STS-131

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

STS-131, ofwel voloet Space Transportation System 131, is 'n Space Shuttlemissie nao 't International Space Station. De missie woort oetgevoert door de Space Shuttle Discovery. De lancering waor op 5 aprèl 2010, um 12:21 Nederlandsen tied^[1]^[2]. De ierste landingspoging op 19 aprèl moos weure oetgestèld door slech weer, zjus wie de twiede poging. De daarde landingspoging op 20 aprèl voont ouch geinen doorgaank. De oeteindeleke landing voont plaots op 20 aprèl 2010 um 8:08:10 (15:08 Nederlandsen tied).

Primair laojing waor Multi-Purpose Logistics Module Leonardo^[3], dee vol zaot mèt oonderdeile, veurraod, en experiminte. De MPLM Leonardo góng veur de lèste kier mèt op- en neer nao 't ISS. De volgende kier (bij STS-133) zal Leonardo es permanente module gekoppeld weure aon 't ISS, naotot de module is veurzeen vaan beter extern besjerming tege micro-meteoriete.

Bemanning

De bemanning bestoont oet 7 persoene: commandant Alan Poindexter, piloot James Dutton, en de missie specialiste Richard Mastracchio, Dorothy M. Metcalf-Linderburger, Stephanie Wilson, Naoko Yamazaki (JAXA) en Clayton Anderson. Dit waor de lèste missie mèt astronaute die veur de ierste kier de ruimte ingoon, alle volgende missies weure gedoon door veterane. Dit waor de daarde missie mèt drei vroului (aander missies waore STS-40 en STS-96).

De missie/tiedlijn

D'n Discovery woort op 2 miert 2010, um 23:58 lokalen tied oet 't Vehicle Assemby Building gerold (de zoegenoamde rollout) nao lanceerplatform 39A. Nao 'n reis vaan 5,5 km die bijnao 7 oor doorde kaom d'n Discovery dao aon^[4].

't Gaof drei ruimtewandelinge gepland, op vlöchdaag 5, 7 en 9^[5]. De ierste ruimtewandeling waor bedoeld um 'ne nuien ammoniaktank (ATA) oet 't ruim vaan d'n Discovery te hole en tijdelijk op 't ISS te bevestige op de zoegenaomde Mobile Transporter (MT). De twiede ruimtewandeling woort gebruuk um d'n awwen ATA vaan 't ISS te verwijdere, tijdelijk op een aander plaots te bevestige en de nuien ATA te bevestige, boenao d'n awwen ATA op de MT bevesteg kin weure. Door probleme mèt 'ne bout kóste neet alle geplande wèrkzaamehede weure oetgevoerd. De daarde ruimtewandeling woort gebruuk um d'n awwen ATA in 't ruim vaan d'n Discovery op te sloon, es ouch de wèrkzaamhede die neet in de twiede ruimtewandeling kóste weure oetgeveurd. Daoneve weurt nog get gedoon aon de SPDM (de hand-oetbreiing vaan de roboterm vaan 't ISS). D'r is nog getwiefeld of 'n veerde, extra, ruimtewandeling nudeg waor, vanwege 'n vaszittende klep in 't keulsysteem (boeveur de nuie ATA is geplaots). Dao is toch vaanaof gezeen, umtot 't ISS zoonder probleme weier kin wèrke in de huidege configuratie. Meugelek weurt de klep in 'n later missie vervaange.

Referenties

↑ NASA (2 miert 2010). "NASA's Shuttle and Rocket Missions".
↑ Bergin, Chris. "STS-131: Cold weather delays flow - DDO constraint pushes launch into April".
↑ NASA. "STS-131 Shuttle Mission Imagery".
↑ Justin Ray (3 miert 2010). "Discovery perched atop launch pad for April flight".
↑ NASA (September 2009). "Remaining Space Shuttle Missions".

Commons

Op de pazjena STS-131 van Wikimedia Commons zeen media gerelateerd aan dit óngerwerp te vènje

[sched-1] NASA (2 miert 2010). "NASA's Shuttle and Rocket Missions".

[new_launch-2] Bergin, Chris. "STS-131: Cold weather delays flow - DDO constraint pushes launch into April".

[MPLM-3] NASA. "STS-131 Shuttle Mission Imagery".

[4] Justin Ray (3 miert 2010). "Discovery perched atop launch pad for April flight".

[Remaining-5] NASA (September 2009). "Remaining Space Shuttle Missions".

[1]

[2]

[3]

[4]

[5]