Nowata

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

De ligking van Nowata in Oklahoma.

Nowata is 'n plaats in d'n Amerikaanse sjtaot Oklahoma die besjtuurlik gezeen ónger Nowata County vèlt. 't Aantal inweuners bedroog 4.005 in 2006. De plaats haet 'n oppervlakde van 8,0 km² en besjteit gans oet landj.

De eerste gemeinsjap die op dees plaats waerde opgerich hoot Metz, verneump nao d'n eerste posdirecteur, Fred Metzner. Al veurdet de sjpaorwaeg in 1889 woor aangelag kreeg de plaats de naam Nowata. 't Deende namelik es tössesjtop veur Indiane oet 't ooste die door de euverheid waerde verhoes. De nuje naam haet geleid toet 'n sjpraokverwarring. De Lenape-indiane die door de plaats tróchte neumde die nuwita "vruntjelik" of "wilkóm". De Cherokee-indiane vatde dit op es Ingels no water "gei water", wodoor de plaats in 't Cherokee de naam ᎠᎹᏗᎧᏂᎬᎬ (A-ma-di-ka-ni-gunh-gunh) "al 't water is weg" dreug, 'n vertaling van waat zie dachte det de naam beteikende.

In 1904 vónj me in de buurt aolie en gaas, waat 'ne positieven indrök haj veur de lokaal economie.