Kertiels

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Wittems, es te dit dialek sjpriks.

---

Vakwerk in Kertiels

Kertiels (Nederlands: Cartils) ies 'n buurtsjap van Wittem in de gemeinte Gulpe-Wittem in 't heuvelland van Zuud Limburg. 't kesjtièl Kertiels huèrde tot 1982 tot de gemeinte Wielder (Wijlre) en tot 1998 bie de gemeinte Gulpe. Langs 't gehuch löp 'n beek, die zien brón haet in 't hoager gelege de Piepert riechting de lièger sjtruimende Geul. Dao sjtoon 4 carréboerderieje, woavan eine in sjpeklaoge en eine mèt 'ne vakwerkgevel en 2 hoezer. In 2002 wone d'r 15 luuj. De naam kump van 't Vulgair Latiense woord cortillis, dat bie 'n curtis (hièreboerderie) behuèrend beteikent. 'ne Ouwere naam ies Curtils (12e ièw.)

Gesjiedenis

Sjpekhoes in Kertiels

Waarsjienlik waor Kertiels in de Romeinse tied ein militair vesting, vanwege de gunstige liegking. In de 9e ièw zou d'r 'n haof gesjtange höbbe es centrum van de hièrlikheid Kertiels. De bewonersj waore allein verantwoording sjöldig aan de biesjop en later aan de Duutsje keizer.

bezeenswaerdig

• Kesjtièl Kertiels, mèt gedeiltes oet de 15e en 16e ièw.
• Aan de holle weeg nao Ees sjteit 'n oorlogsmonumentsje oet 1944 opgeriech veur 4 in 1944 umgekómme Canadese vlegersj.