Jaguar

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

't Hujig (roead) en 't veurmaolig (raos) laefgebied vanne jaguar.

'ne Jaguar (oetspraok: (d)zjegkoewaar; Letien: Panthera onca) is e katechtig roufdeer det veurkump in e groeat deil van Midden- en Zuud-Amerika. Nao d'n tieger enne lieëf is 't de grótste kat, waat 't de grótste en kreftigste kat vanne Nuje Werreld maak. 't Bieës is hieël stevig geboedj en haet 'ne breie kop mit sterke kake. De puuet zeen rilletief kort; de stert zörg veur 't aevewich wen 't bieës springk. De vach is lichgael toet roeadbroen mit zwarte rozètte. De jaguar haet intrèkbaar klawwen en lang, stevige hooktenj.

De jaguar steit es vleisaeter baovenaan de voorkitting in 't gebied wo d'r veurkump. Zougdere wie pekari's en hirte vörmen 't houfmaol, mer ouch anger zougdere, kwekkerte, reptiele, vèssen en eier make deil oet van zien aetes.

De naam jaguar kump oet 't Tupi; 't waord yaguara beteikentj dao "roufbieës".

Taxonomie

Riek: Animalia (bieëster)
- Stam: Chordata (chordabieëster)
  - Klas: Mammalia (zougdere)
    - Orde: Carnivora (roufdere)
      - Femielje: Felidae (katechtige)
        Óngerfemielje: Pantherinae (groeate katte)
        Geslech: Panthera (panters)
        Saort: Panthera onca (jaguar)

Trivia

't Automerk Jaguar Cars enne gitaar Fender Jaguar zeen nao dit bieës verneump gewore.