IJsselstein

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Dit artikel geit euver 't Utrechs stedsje IJsselstein. Waort geer op zeuk nao 't dörp in Limbörg (Nederlands: Ysselsteyn), daan zeet IJselstein.

---

Ligking vaan IJsselstein in Utrech

IJsselstein is 'n stad en gemeinte in de Nederlandse provincie Utrech, aon de boveluip vaan d'n Hollandsen IJssel. De gemeinte heet 'n oppervalk vaan 21,62 km²; 0,46 km² daovaan is water. 't Aontal inwoeners steit per 1 januari 2006 op 34.022. De gemeinte heet gein ander kerne.

Stadsfuncties

D'n Hollandsen IJssel in IJsselstein, op de achtergroond de hervörmde kèrk en de Gerbrandytorie

E bitteke minder es Nieuwegein heet IJsselstein de functie vaan veurstad bij Utrech; ein tak vaan de sneltram oet dees stad indeg in IJsselstein. In IJsselstein steit de Gerbrandytorie, de centraole zendmas vaan Nozema, dee oonterech beter bekind is es de zender Lopik.

Stadsgeziech

IJsselstein bewoert es middeliews stedsje nog e paar intrèssante gebouwe, woevaan de hervörmde kèrk 't bekindste is. Oet de jaore tacheteg vaan de negentiende iew stamp de neogotische kathelieke kèrk.

Historie

De plaots IJsselstein oonstoont roontelum 't glieknaomeg kestiel oet de daartiende iew. In 1271 verkraog Gijsbert van Amstel 't kestiel. Örges tösse 1331 en 1360 moot 't dörp stadsrechte gekrege höbbe. In 1418 en 1466 woort de plaots verweus, iers door Utrechtenere, later door bendes oet Gelderland. In 1417 woort 't kestiel gesloop, al woort 't viefteg jaor later weer herbouwd. Oetindelek woort 't twiede kestiel in de negentiende iew aofgebroke. Tot aon d'n Twiede Wereldoorlog leide 't stedsje e slummerend bestoon; toen woort 't 'n veurstad vaan Utrei.

Gebore in IJsselstein

• Lieke van Lexmond, actrice

Externe link

• Website vaan de gemeinte