Douglas DC-3 Dakota

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De Douglas DC-3 Dakota is ein van'ne succesvolste vleegtuuge ooit geboewdj. D'r waerdje bienao 16.000 masjiener geboewdj wovan 11.000 door Douglas zelf. Zo kreege Nederlandj, Japan en 't Russische Lisunov licentierechte veur de boew van bienao 5000 kiste. Lisunov boewdje de vleegtuuge es Li-2.

De gesjiedenis

De DC-3 is ein doorontwikkeling van'ne DC-2 (dae weer doorontwikkeldj waas vanoet de DC-1). 't Vleegtuug waerdje op verzeuk van American Airlines ontwikkeldj. Zie wolle ein vleegtuug det baeter presteerde en meer passageers kos verveure dan de DC-2. Donald Douglas vergreudje de romp en plaatsdje krachtiger motors (900 pk per motor). De Dakota booj plaats aan 28 toet 35 passageers die in rieje van drie naeve ein waerdje geplaatsj. Ze maakdje häör eerste vluch op 17 december 1935 en waerdje op 11 juli 1936 aan American Airlines geleverdj. American Airlines richdje häör vleegtuuge in veur 16 passageers (lang vluchte) en 24 passageers (vriej korte vluchte). Binne inkele jaore vloge d'r hongerde Dakota's rondj euver de hele waereld (KLM waas de eerste Europese klantj). Tiedes de Tweede Waereldoorlog weardje 't vliegtuug ouch väöl ingezatj. D'r waerdje zelfs militair versies ontwikkeldj wovan de C-47 Skytrain de succesvolste waas.

Technische gegevens

Lengte: 19,66 m.
Breidte: 29,98 m.
Heugte: 5,16 m.
Max. sjnelheid: 368 km/u
Vleegbereik: 2160 km.