Portamone

Un portamone es un bolseta per porta mone. Orijinal, lo ia es usada par porta cosas peti, spesial monetas, e ia es fabricada de stofa o cuoro, comun con un corda per clui lo e per lia a un sintur.

La portamone la plu vea ia es trovada con la restas de Ötzi ("la om jelada"), ci ia vive sirca 3300 aec. Un otra esemplo es trovada en la ieroglifos de Egipte antica, cual mostra poxes portada sirca la talia. En Europa de la eda medieval, los ia es portada par femes e omes, comun decorada con brode, oro, o arjento. La prestijia de la person ia es indicada par la cualia de la portamone. Fias ia es instruida en la artes de brode e cose, cual pote aida los en trova un sposo, e los ia fabrica portamones per se mesma e per sua amantes. Sirca la anio 1870, la pantalas de omes ia es construida con poxes interna, cual ia para la abitua de porta portamones par omes.

La portamone moderna es plu comun un caxeta plata de cuoro cual pote es portada plu fasil en la poxes de pantalones o en un bolsa. Los ia es developada pos la introdui de mone de paper en la mundo ueste en la sentenio 16. (La mone de paper ia es prima introduida en la Americas par la Colonia de la Baia de Massachusetts en 1690. La portamone pliable con ranures per cartas de credito ia deveni la norma en la desenio de 1950 temprana con la introdui de la carta de credito prima.

• 
  Un reprodui de un portamone de Roma antica de cuoro
• 
  Un portamone antica de India
• 
  Un portamone antica de Norsce
• 
  Un portamone de Maroco, fabricada de la pel de camel
• 
  Un tipal portamone pliable