Martin Niemöller
Appearance
Martin Niemöller (1892–1984) ia es un pastor luteran, naseda en Lippstadt, Deutxland en 1892.
El ia es un anticomuniste e ia suporta prima la asende a potia de Adolf Hitler. Ma cuando Hitler ia comanda ce la stato va ave potia supra lo de relijio, Niemöller ia deveni desiludeda. El ia deveni un xef de un grupo de eglesores ci ia oposa Hitler. En 1937, el ia es arestada e ultima restrinjeda en Sachsenhausen e Dachau. El ia es librida en 1945 par la Aliadas.
El ia continua sua carera en Deutxland como un eglesor e un vose importante per espia e reconsilia de la popla deutx pos la Gera Mundal Du. Sua declara, comun presentada como un poesia, es bon reconoseda, frecuente sitada, e un model popular per descrive la periles de apatia political:
- Prima, los ia veni per la sosialistes, e me no ia protesta, car me no ia es un sosialiste.
- Alora, los ia veni per la sindicatistes, e me no ia protesta, car me no ia es un sindicatiste.
- Alora, los ia veni per la iudis, e me no ia protesta, car me no ia es un iudi.
- Alora, los ia veni per me, ma nun ia resta per protesta per me.