Faxisme
La faxisme es la promove political inisiada en Italia en la comensa de la sentenio 20 par Benito Mussolini. Alga de sua ideas ia estende tra Europa con cualias diferente. Lo es un promove de cualia nasionaliste, autoritariste e totalitariste, ma ance un promove revoluiste e reatante. Ideolojial e sosial, lo es regardada como anticapitaliste e defende la divide de la sosia en clases.
Ideas xef
[edita | edita la fonte]Nasionalisme
[edita | edita la fonte]Nasionalisme es la fundi xef de faxisme. La vista faxiste de la nasion es de un sola esistente organica cual junta la popla par sua asendentes, e es un fortia natural cual uni la popla. La faxistes xerca solve la problemes economical political e sosial ateninte un renase nasional, altinte la nasion o la raza ante tota, e promovente unia, fortia e puria. La promoves faxiste european suporta tipal la conseta ce noneuropeanes es inferior a europeanes. Ultra esta, faxistes en Europa no ave opinas unida sur raza. Istorial, la plu de faxistes promove imperalisme, an si alga moves faxiste no vole xasa aspiras imperaliste nova.
Autocratia
[edita | edita la fonte]Faxisme promove la institui de un stato autocrata. Lo oposa democratia liberal, refusa la sistemes multipartito, e suporta un stato de un partito. La Prinsipe de Faxisme afirma: "La conseta faxiste de la Stato ensirca tota; estra lo, no valuas umana o spirital pote esiste, e ave valua an min. Tal comprendenda, faxisme es autocrata e la Stato Faxiste – un sintese e un unia incluinte tota valuas – interprete, developa e aumenta tota la vive de un popla." En "La Funda Legal de la Stato Total", la teoriste political nazi Carl Schmitt ia descrive la intende nazi de crea un "stato forte cual garantia un intera de unia political transendente tota diversia" per evita "ce un pluralisme desastrosa divide la popla deutx".