Antiles Nederlandes

La Antiles Nederlandes, conoseda en la pasada como La Indias Ueste de Nederland, inclui tre isolas en la Mar Caribe: Bonair, prosima a la costa de Venezuela, e San Eustasio e Saba, a sude-este de la Isolas Virjin. La isolas es un parte autonomial de Nederland. La economia de la isolas es xef fundida en turisme e petrolio.

En la pasada, la Antiles Nederlandes ia inclui ance Curasau, Aruba, e San Marten. Los es aora nasiones nondependente, ma es ancora incluida en la Rena de Nederland.

Istoria

Esplorores sponsorida par Espania ia descovre la grupos de isolas suventa (Alonso de Ojeda, 1499) e supraventa (Cristoforo Colombo, 1493). En la sentenio 17 la isolas ia es concistada par la Compania Nederlandes de India Ueste e colonida par colonistes nederlandes. De la ultima cuatri de la sentenio 17, la grupo de isolas ia es formida par 6 isolas nederlandes: Curasau (colonida en 1634), Aruba (colonida en 1636), Bonaire (Colonida en 1636), Sint Eustatius (colonida en 1636), Saba (colonida en 1640) e Sint Maarten (colonida en 1648). En la pasada, Anguila (1631-1650) la Isolas Virjin Brites (1612-1672), St. Croix e Tobago ia es nederlandes. En la gera de revolui american, Sint Eustatius, junta a Curasau, ia es un sentro de comersia xef en la Caribe, con Sint Eustatius como un furnor xef de furnis per la Des-tre Colonias.