Kasematt

Eng Kasematt och nach Bunker ass en Deel vun enger Festung oder engem Fort dee ganz oder Deelweis am Buedem läit, fir géint de Beschoss vun Artilleriefeier, oder géint Bommen ze schützen.

Ofhängeg vum Festungswierk, a vun der Plaz, kënne se gebaut sinn. Bei ale Festunge sinn et dacks verwëlleft Galerien, wéi z. B. an der Festung vun Namouer, d'Galeries de Boufflers, oder an de Fiels gehae sinn, wéi déi meescht Kasematte vun der Festung Lëtzebuerg. A moderne Forte si s'aus arméiertem Bëtong.

Se ginn ënnerdeelt an aktiv a passiv Kasematten. Passiv Kasematte si geduecht fir Truppen oder Material ze schützen, wéi z. B. a ville Forten déi zum Système Séré de Rivières gehéieren.

Aktiv Kasematte gi gebaut, fir bei der Verdeedegung vun der Festung kënnen ze hëllefen, doduerch datt an hinne Maschinnegewierer oder Artilleriesgeschëtzer installéiert sinn. Där sinn z. B. an de Forte vun der Maginot-Linn ze fannen, wéi d'Kasematt vum Péitersbierg bei Angevillers oder d'Kasematt vu Boust.

D'Etymologie vum Wuert ass net kloer: Verschidde Quelle féieren et op déi spuenesch Wierder casa - "Haus" a matar "ëmbréngen", zeréck, anerer op dat italieenescht Wuert casamatta, wat "Verwëllef mat Mauere" bedeit, a sengersäits op d'griichescht Wuert chásma, wat "Äerdspléck" heescht, zeréckgéing.

Kuckt och

Militärarchitektur: Approche - Bockellinn - Caponnière - Contre-escarpe - Courtine - Escarpe - Glacis - Kasematt - Ravelin - Redoute - Reduit - Zitadell

Festung Lëtzebuerg: mat: Bastioun Louis - Fort Olizy - Fort Thüngen - Kasematten - Malakoff-Tuerm - Nei Paart - Spueneschen Tiermchen
Festungen an der Belsch: Fort de Tancrémont - Fort de Battice - Fort d'Aubin-Neufchâteau - Fort d'Eben Emael - Fort d'Évegnée-Tignée - La Chartreuse - Zitadell vu Léck
Festungen a Frankräich: Maginot-Linn - Château d'If - Fort d'Illange - Fort de Villy-La Ferté - Fort de la Pompelle - Zitadell Montmédy - Tour Solidor - Fort de Charlemont - Fort-La-Latte - Mont-Dauphin - Zitadell vu Bitche - Redoute de la Justice
Festungen an Italien: Festunge vu Folgaria - Trentiner Festungen
Festungen an Norwegen: Festung Akershus
Festungen a Portugal: Fortaleza de Sagres - Tuerm vu Belém
Festungen an den USA: Alcatraz
Festungen a Kanada: Zitadell vu Québec

Um Spaweck

Commons: Bunkers by country – Biller, Videoen oder Audiodateien