Zoran Zaev
Zoran Zaev seu litteris Cyrillicis Зоран Заев (Tiberiopoli die 8 Octobris 1974 natus) est politicus rei publicae Macedonicae.
Alumnus est universitatis Scupiensis ubi magister oeconomiae monetariae factus est. Iam scholarius se ad unionem socialem democraticam adiunxit. Huius factionis mox praeses sectionis Tiberiopolitanae, deinde anno 2006 praeses vicarius nationalis, anno 2013 praeses nationalis, Branko Crvenkovski successor. Eisdem fere annis a 2003 ad 2005 legatus ad conventum Macedonicum, inde usque in 2016 praefectus urbi Tiberiopoli erat. Sub specie ducis factionis contrariae particeps fuit induciis Pržino mense Iulio 2015 pactis cum Nicolao Gruevski primo ministro et Ioanne Hahn commisso Europaeo, e quibus induciis tardius evenerint dimissio Nicolai Gruevski, comitia nationalia anno 2016 habita, atque electio Zoran Zaev ad officium primi ministri die 27 Maii 2017.
Bibliographia
[recensere | fontem recensere]- "Parlament macht Zaev zum Regierungschef" in Der Spiegel Online (1 Iunii 2017)
- "Zoran Zaev, Macedonian Lawmaker, Is Bloodied in Attack on Parliament by Nationalists" in New York Times (27 Aprilis 2017)
- Aleksandar Dimishkovski, "Macedonia Has New Government, but Rocky Road Ahead" in New York Times (1 Iunii 2017)
Nexus externi
[recensere | fontem recensere]- Situs privatus
- "Zoran Zaev": vita apud CIDOB: Barcelona Centre for International Affairs (Hispanice)
- Gordana Knezevic, "Macedonia And Its Neighbors -- Who's Afraid Of Zoran Zaev?" (31 Maii 2017) apud Radio Free Europe/Radio Liberty
 | |
|
Nicolaus Kljusev 1990 • Branko Crvenkovski 1994 • Ljubčo Georgievski 1998 • Branko Crvenkovski 2002 • Hari Kostov 2004 sine electione • Vlado Bučkovski 2004 • Nicolaus Gruevski 2006 • Aemilius Dimitriev 2016 sine electione • Zoran Zaev 2017 • Demetrius Kovačevski 2022 • Talat Xhaferi 2024 ad interim Capsae cognatae: Praesides rei publicae Macedonicae • Ministri rerum externarum Macedonici | |