Chronica Anglosaxonum

Chronica Anglosaxonum sunt libri annales rerum gestarum Angliae, Anglosaxonice compositi, et praesertim historiam a saeculo V usque ad XII referentes. Exstant fere septem, quarum duae valde lacunosae.

Chronicon Parkerianum [Ā, G]

Recensio Wintoniensis seu Parkeriana in libro manu scripto CCCC 173 Bibliothecae Parkerianae monstrantur, et olim in apographo Cotton Otho B.xi e Bibliotheca Britannica (sed hoc in incendio Bibliothecae Cottonianae anno 1731 fere omnino destructum est). Haec recensio incipit a praefatione genealogica de regibus Occidentalium Saxonum.

Chronicon Petroburgense [E]

Initium manuscripti Cotton Tiberius A.vi (f. 1r) Bibliothecae Britannicae (*Chronica Anglosaxonum*, recensio B)

Recensio Petroburgensis usque ad annum 1121 recensionem Wintoniensem sequitur, documentis nonnullis interiectis quae antiquitatem monasterii Petroburgensis monstrare praetenduntur; post hunc annum continuationes, in aliis recensionibus minime repertis, historiam Angliae et Petroburgi usque ad 1154 describunt. Recensio Petroburgensis e libro manu scripto Laud 636 Bibliothecae Bodleianae legitur.

Recensio Abindoniensis [B, C]

Initium *Chronicorum Anglosaxonum* in manuscripto Cotton Tiberius B.i (f. 115v) Bibliothecae Britannicae (recensionis C)

Recensio abbatiae Abindoniensi attributa in duos libros manu scriptos Bibliothecae Britannicae servatur, olim Cottonianae, scilicet Cotton Tiberius A.vi et Cotton Tiberius B.i. Haec recensio usque ad annum 891 Wintoniensem sequitur. Inseritur brevis "Registrum Mercianum", res gestas a 902 usque ad 924 comprehendens; annales post hunc annum producuntur usque ad 1000 in Tiberio A.vi, usque ad 1066 in Tiberio B.i.

Recensio Vigorniensis [D]

Recensio quae Vigorniensis dicitur in uno libro manu scripto legitur, e vetustiore quodam anno fere 1050 rescriptum et usque ad 1079 productum, rebus gestis Vigorniae et urbium propinquarum interdum insertis. Liber autem vetustior minime Vigorniae, potius Riponiae compositus est, recensione Vintoniensi usque ad 891 secuta, insuper addita "Gesta veterum Northanhymbrorum" ab anno 733 usque ad 806. Recensio Vigorniensis in Bibliotheca Britannica servatur sub siglo Cotton Tiberius B.iv.

Recensio bilinguis Cantuariensis [F]

Descriptio Britanniae Latine scripta inter primas paginas *Annalium Domitianorum Latinorum* (Bibliotheca Britannica MS Cotton Domitian A.viii f. 31r)

Versio brevis recensionis Petroburgensis, Latine et Anglosaxonice exscripta et interdum Annales Domitiani Latini nuncupata, in Bibliotheca Britannica servatur sub siglo Cotton Domitian A.viii.

Bibliographia

Editiones et versiones selectae

Janet M. Bately, ed., The Anglo-Saxon Chronicle: a collaborative edition. Vol. 3: MS. A. Cambridge. Cantabrigiae: D. S. Brewer, 1986. ISBN 0-85991-103-9 [Ā] (Anglosaxonice)
E. Classen, F. E. Harmer, An Anglo-Saxon Chronicle. Mancunii, 1926. [D] (Anglosaxonice)
G. N. Garmonsway, interpr., The Anglo-Saxon Chronicle. 2a ed. Londonii: Dent, 1972 [Ā, E cum aliis] (Anglice)
F. P. Magoun, "Annales Domitiani Latini: an edition" in Medieval Studies vol. 9 (1947) pp. 235-295 [F] (Anglosaxonice, Latine) Textus venalis
Charles Plummer, ed., Two of the Saxon Chronicles Parallel. 2 voll. Oxonii: Clarendon Press, 1892-1899 [Ā, E cum aliis] (Anglosaxonice)
Harry A. Rositzke, The Peterborough Chronicle. Novi Eboraci, 1951 [Ā] (Anglice)
Harry A. Rositzke, The C-Text of the Old English Chronicles. Novi Eboraci, 1951 [C] (Anglosaxonice)

Historica et critica

"Anglo-Saxon Chronicle" in Encyclopaedia Britannica. 11a ed. (Sicagi, 1911) html djvu
"The Chronicle" in The Cambridge History of English and American Literature vol. 1 (1907)
Antonia Gransden, Historical Writing in England c. 550 - c. 1307 (Londinii: Routledge, 1974) pp. 29-41, 142-143 (Paginae selectae apud Google Books)
Patrick Sims-Williams, "The settlement of England in Bede and the "Chronicle" in Anglo-Saxon England vol. 12 (1983) pp. 1-41

Nexus interni

Nexus externi

Textus recensionis Parkerianae (Anglosaxonice)
Recensiones interretiales (Anglosaxonice)
Versio vetusta imperfecta et apud gutenberg.org (Anglice)
"Cotton MS Tiberius A VI" (i.e. recensio B) apud Bibliothecam Britannicam (catalogus)
- Initium Chronicorum
"Cotton MS Tiberius B I" (i.e. recensio C) apud Bibliothecam Britannicam (catalogus)
- Initium Chronicorum^{[nexus deficit]}
"Cotton MS Tiberius B IV" (i.e. recensio D) apud Bibliothecam Britannicam (catalogus)
- Initium Chronicorum^{[nexus deficit]}
"Cotton MS Domitian A VIII" (i.e. recensio F Anglosaxonica et Latina) apud Bibliothecam Britannicam (catalogus)
- Initium Chronicorum^{[nexus deficit]}