Руталар
Руталар (лат. Rutaceae) – өсүмдүктөрдүн эки үлүштүүлөр классынын тукуму. Дарак, бадал, кээде чөп. Жалбырагы татаал, канаттай, чанда жөнөкөй, кезектешип жайгашкан. Вегетация органдарында, кээде мөмөсүндө бальзам, чайыр, эфир майлары бар. Гүлү эки, айрым учурда бир жыныстуу, гүл коргону 4–5, кээде 2–3 мүчөлүү, аталыгы экөө, энелиги 1–5 же көп мөмө жалбыракчалуу, мөмөсү–кутуча. Жер бетинде 1600 түрү, көбүнчө, тропик жана субтропик алкактарында таралган. КМШ өлкөлөрүндө 5 уруусу, 40тай түрү, Кыргызстанда 11дей түрү бар. Көпчүлүк Руталар мөмө берүүчү (бергамот), дары-дармек өсүмдүктөрү, айрымдарынан баалуу жыгач алынат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9