Gabbro
 | |
| Klass |
gabbroid  |
|---|---|
 Restrennow kelmys war Gemmyn Wikimedia | |
Gabbro yw hanow bagas meur a garrygi tanek towl gans gwrysow meur. I a's teves an keth komposyans ha basalt. An karrygi yw plutonek, hemm yw, furvyes pan vo magma teudh maglennys yn-dann enep an nor, ha yeynhe dhe vos karrek wrysek. Usys veu an term gabbro rag an termyn kynsa yn 1760 rag deskrifa karrygi dhyworth menydhyow Itali. Henwys veu dhyworth treveglos 'Gabbro' yn Toskana. Karrek gans dosedh ughel yw, ha gwyrdh po tewl hy liw. Hy a gomprehend meur a byroksen ha gwrysven sodiom ha nebes amfibol hag olivin.
An brassa rann a enep an nor a'n jeves gabbro y'n grestennen geynvoryek. Askorrys yw gans magmatedh basalt yn keynow kres an keynvor. Dre vras, pan vo gabbro furvyes, ev a worwedh a-ugh mantel an Norvys, hag yn-dann an basalt a furvyas yn skaffa. Kevys yw gabbro ynwedh dhyworth plutonow kelmys dhe loskvenydyow brastiryel.
Yma dhe'n garrek gabbro gwrysow meur (an gwrysow yw 1mm yn treslinen po moy), ow tiskwedhes ev dhe furvya yn lent.
Kemmyn yw yn Menydhyow an Cuiltheann yn Alban.
