Canes Venatici (ranneves)

Canes Venatici yw ranneves aswonnys avel onan a'n 88 aswonnys gans an Unyans Steroniethek Keswlasek (IAU).

Canes Venatici yw yn hantergylgh north an pel nevek, ha gwrys o gans Johannes Hevelius yn 17ves kansblydhen. Y hanow yw Latinek rag 'helgeun', hag yn fenowgh yw delinys avel helgeun Boötes an bugel, yw ranneves nessa.

Ensampel a	ranneves
Rann a	hantergylgh nevek an gogledh
Restrennow kelmys war Gemmyn Wikimedia

Canes Venatici yw ranneves nebes le a'n myns mayn (465 a degreow pedrek, 38ves a'n 88) ha nyns eus meur a ster ughel aga splannder ynno. Alpha Canum Venaticorum yw an splanna sterenn, henwys ynwedh avel Cor Caroli, avel kov rag Myghtern Charles I a Bow Sows o ledhys. War y emlow yma Ursa Major dhe'n north ha west, Coma Berenices dhe'n soth, ha Boötes dhe'n est. Berrheans an hanow yw CVn.

Yma lies galaksi dhe les yn Canes Venatici y'ga mysk peswar esel an katalog Messier: M51 (an Galaksi Lonklynn), M63 (an galaksi howlvlujenn), M94, M106; ha unn bonni pelek M3.

Canes Venatici delinys yn Urania's Mirror, kartennow ranneves dyllys yn Loundres c.1825.

• 
  M51, an Galaksi lonklynn, gans pellweler Hubble Space Telescope.
• 
  M63, an Galaksi Howlvleujenn, gans pellweler Hubble.
• 
  Kres galaksi M94 gans pellweler Hubble.
• 
  M106 gans pellweler Hubble.
• 
  Bonni pelek M3.
• 
  NGC 4248 yw galaksi a-dro dhe 24 milvil vlydhen wolow dhe-ves.
• 
  NGC 4242 yw galaksi isel y splannder yn Canes Venatici.
• 
  NGC 4631 gans pellweler Hubble Space Telescope.
• 
  NGC 4707 yw galaksi korhwyth a-dro dhe 22 milvil blydhennow-golow dhe-ves.