Îzhak Mordexay

Îzhak Mordexay
Navê rastî	יצחק מרדכי
Jidayikbûn	22 çiriya paşîn 1944  Zaxo
Hevwelatî	Keyaniya Iraqê, Îsraêl
Perwerde	Tel Aviv University University of Haifa
Meqam	Minister of Defense (1996–1999) endemê Knessetê (1996–2001) Deputy Prime Minister of Israel (1999–2000)
Partiya Siyasî	Likud
Xelat	Medal of Courage
biguhêre - Wîkîdaneyê biguhêre

Îzhak Mordexay (bi îvrît: יצחק מרדכי, Yitzhak Mordechai) di 22'ê sermaweza 1944'an de li bajarê Zaxoyê ji dayika xwe bûye, general, siyasetmedarekî Îsraelê ye.

Malbata Mordexay sala 1949'ê diçin Îsraelê. Sala 1962'yê tevlî artêşê dibe û di hêzên çetirbaziyê (sîwanebazî, paraşûtbazî) de cih digire. Li zanîngeha Orşelîmê perwerdeya dîroknasî û zanîna siyasetê dibîne.

Di şerê şeşrojî de fermandariya batalyona çetirbaziyê dike û biser dikeve. Bi vê fermandariya xwe di artêşê de navdar dibe, xelatê werdigire. Sala 1986'ê dibe general. Sala 1995'ê xatir ji artêşê dixwaze.

Sala 1996'ê li ser navê partiya Likudê bo meclîsa Îsraelê Knessetê tê hilbijartin. Dûv re dibe wezîrê parastinê. Di adara 2001'ê de li dijî wî doza destdirêjiya namûsê tê vekirin, bi cezayê 18 mehê tê cezakirin.

Kesên ne aşkenazî bin dibin serokwezîr?

Îzhak Mordexay (1997)

Wî dixwestiye bibe serokwezîr. Lê ew ne ji bera aşkenazî bûye, ango ne ji cihûyên ji bakurê Ewropayê bûye ku heya wê demê tenê ew dibûne serokwezîr, îdîa hebûn ku ji ber ku wî di serokwezîriyê de israr kiriye, îftira kirine stûyê wî, wî bi destdirêjiya namûsê dane navreşî kirine.

Girêdanên derve

• CNN Artikel ^{Girêdana arşîvê 2008-12-11 li ser Wayback Machine} (îngilîzî)
• di malpera wezareta derveyî de (îngilîzî)
• Îzhak Mordexay di malpera fermî ya Knessetê de