Runguburano
Runguburano (na rĩmwe nĩ ĩtagwo brickicho kana hide-and-seek na kĩngeretha) nĩ mũthako wa ciana ũrĩa ũngĩthakwo nĩ andũ erĩ (na kaingĩ nĩ aiganona) arĩa mahithĩte karungubĩ(kana kamamo), na hena mũmathi kana amathi arĩa makoragwo makĩmetha. Mũmathi kana amathi amũre mahingĩte maitho nĩ mahotaga gũtitika mũthako na njĩra ya gũtara kana kũhũthĩra ciugo cia nduire(ta >>brickicho<< <<banture>>, >>mũtura<< <<haijaiva>>) o athaki angĩ makĩethaga tũrungubĩ twa kwĩhitha. Thutha wa kũhingia ndari ĩyo, kana thutha athaki angĩ gũkira, mũmathi nĩ ethamũraga na ciugo "Niĩ ũyũ njũkĩte" na akambia wĩra wa kũetha athaki acio angĩ.
Mũthako ũthiraga na njĩra ciganona. Njĩra ĩmwe nĩ mũmathi agĩrungubũra athaki othe. Na haha mũrungubũre wa mbere nĩwe atuagwo mũmathi wa mũthako ũrĩa ũrarũmĩrĩra.
Njĩra ĩngĩ ya mũthako kũthira nĩ mũmathi gũtangatha nĩaremwo nĩ kũrunguria athaki angĩ.. haha athaki nĩ meumagia na kũonania imamo ciao na mũmathi akambia gũtara rĩngĩ, mehithe kũngĩ.
Mũthaki ũrĩa ũkoragwo e wa mũthia nĩ we akoragwo mũtoria. Mũhĩrĩga ũngĩ wa mũthako ũyũ nĩ ũkoragwo na 'ũhengere' ũhandĩtwo handũ hamũre ta mũcogi. Mũthako wanjagia o ta ũrĩa ũngĩ. Ngũrani nĩ atĩ mũmathi akorerera mũthaki akahiũka kũrĩ ũhengere ũcio akaũringa akĩgwetaga rĩtwa rĩa mũthaki ũcio ona na mũthaki ũcio mũgwete agatwĩka mũgwate. No mũthaki ũngĩ angĩũka nakũrũnda mũcogi ũcio nginya ũhagũke, athaki othe arĩa mararĩ mĩgwate makagĩa wĩyathi na magacoka kwĩhitha nginya rĩrĩa mũmathi aricokia ũhengere mũcogi-inĩ na kũgweta arĩa matehithĩte akĩringaga ũhengere ũcio.