Geoffrey Chaucer
| Geoffrey Chaucer | |
 | |
| Informa | |
| Ɛ-ɛjaɖɛ | Ɩngɩtɛɛrɩ |
| Ɛ-tʋmɩyɛ | |
| Ɛ-ɖɩlʋlɩyɛ | Lɔndrɩ |
| E-efemiye kɩlʋlɩyɛ | |
| Ɛ-ɖɩsɩbɩyɛ | |
| E-efemiye kɩsɩbɩyɛ | |
| |
Palʊla Geoffrey Chaucer kɛ pɩnzɩ 1340 taa kɛ Aŋgɩlɩtɛɛrɩ Kewiyaɣ taa nɛ ɛsɩ Lɔndrɩ tɛtʊ taa, Aŋgɩlɩtɛɛrɩ ɛjaɖɛ ndɩ ɖɩ-taa pɩnzɩ 1400 taa ɛwɛwaɣna pɩnzɩ ɛzɩ 60 yɔ. Geoffrey Chaucer kɛ takayɩsɩ mayʋ sɔsɔ nɔɔyʋ. Ɛma takayɩsɩ pɩlɩɩna hɔɔlɩŋ ndɩ ndɩ taa. Ɛma keɣsi nɛ cɩmɩŋ takayɩsɩ, kedeŋa yɔɔ tɔm ndɩ ndɩ ñɩnzɩ, tanaʋ takayɩsɩ, ŋɖuliña takayɩsɩ, ɛma ɖɔɖɔ aleɣya ñɩnzɩ sakɩyɛ nɛ mʋya takayɩsɩ sakɩyɛ ɖɔɖɔ.
Ɛkɛ ñʊʊtaa lɔŋsɩnɖɛ kpɛlɛkɩyʊ, kʊnʊmɩŋ ndɩ ndɩ kpɛlɛkɩyʊ, ɛlɩzʊ ɖɔɖɔ kʊnʊmɩŋ lɛɛŋ nɛ lɛɛŋ pa-taa, ɛkɛ ɖɔɖɔ tʊma sɔsɔna taa tʊmɩyɛ laɖʊ. Geoffrey Chaucer nɛ ɛ-taabalaa mba ɛnɛ-wɛ palakaɣ tʋmɩyɛ yɔ, pa-taa nabɛyɛ hɩla yɔ : John Gower, William Langland nɛ Pearl Poet. Geoffrey Chaucer kɛŋna Aŋgletɛɛrɩ ɛjaɖɛ tɛ takayɩsɩ mayaa kajalaɣ ñɩma taa tʋ nɔoyʋ. Payaɣ ɛ-caa size John Chaucer.
Geoffrey Chaucer caa kɛ payaɣ se John Chaucer (1312 – 1366). Ɛɛkɛ tadɩyɛ laɖʊ Lɔndrɩ tɛtʊ taa. Paapɩla ɛzɩma kɔyɔ, haɖaa mba payaɣ-wɛ se Fintri yɔ, peeɖe palʊla-ɩ. Paasɩŋ ɖeyiɖeyi ɖenɖe paaɖʊ-ɩ sukuli yɔ, ɛlɛ pɩwɛ ɛzɩ peeɖe Katedralɩ ŋgʊ payaɣ-kʊ se Paul Kiɖeɖeu yɔ kɩ-taa kɛ powona-ɩ yɔ nɛ nɔɔyʊ ɛɛpɩzʊ ɛñɩʊ niye se ɛlaba sukuli kɩtɛzʊʊ yaa ɛtaala.