Skala TT
Skala TT iku siji skala ing sepur modèl. TT iku cekakan saka table top kang tegesé dhuwur méja. Dadi karepé siji layout sepur-sepuran bisa dipasang sadhuwuring méja. Skala TT iku ukurané 1:120. Ambané jalur ril ana 1,2 cm. Sing kapisan ngripta skala iki ya iku Hal Joyce saka Amérikah Sarékat. Nanging skala iki saiki namung populèr ing Éropah. Mliginé ing Jerman sisih wétan, Éropah wétan lan Ruslan. Ukuran skala iki kurang luwih antara skala H0 (1:87) lan skala N (1:160).
Produsèn gedhé sajeroning skala iki Tillig lan Roco. Piko wiwit sawatara taun uga wis produksi akèh sepur-sepuran ing skala iki. Skala iki ing Jerman uga kerep diarani die Spur der Mitte kang tegesé 'sepur tengahan'.[1] Karepé skala iki tengah-tengahan antara skala H0 lan N saha ndarbèni sisih positif manawa détailé isih cukup, kamangka wong ora mrelokaké papan kang amba kaya kanggo H0.
Babad skala TT
[besut | besut sumber]Skala TT iku diciptakaké déning Hal Joyce saka Indiana ing taun 1946 lan banjur dipasaraké Firma H.P. Products kang wis ngadeg wiwi taun 1945. Ing Jerman skala TT dadi ditepungi déning Firma Rokal ing Kulon lan déning Firma Zeuke & Wegwerth ing Wétan. Sawisé Rokal bangkrut taun 1960-an, skala TT dadi sirna ing Jerman Kulon. Ing Jerman Wétan lan nagara-nagara COMECON Zeuke & Wegwerth dadi saya ngrembaka. Badan usaha iki ndarbèni 800 buruh lan pagawé ing Berlin. Sawisé Zeuke & Wegwerth dinasionalisasi taun 1972, jenengé VEB Berliner TT-Bahnen (BTTB). Sawisé Jerman manunggal manèh taun 1990, firma kang dinasionalisasi kanthi paksa iki, dibalèkaké manèh marang Zeuke. Banjur bangkrut taun 1993 lan dituku déning Tillig saka Sachsen. Nganti saiki firma iki kang gedhé dhéwé lan asortimèn kang pepak dhéwé.
Réferènsi
[besut | besut sumber]- ↑ "Archive copy". Diarsip saka sing asli ing 2017-01-16. Dibukak ing 2016-09-04.
{{cite web}}: CS1 maint: archived copy as title (link)
Pranala njaba
[besut | besut sumber] |
Wikimedia Commons duwé médhia ngenani skala TT. |
T (1:450) | ZZ (1:300) | Z (1:220) | N (1:160) | TT (1:120) | H0 (1:87) | 00 (1:76,2) | S (1:64) | 0 (1:45) | I (1:32) | II (1:22,5)
TY (1:900 / 1:1000) (ora resmi)