Pulo Bouvet
Pulo Bouvet (Norwégia: Bouvetøya [bu.ˈʋɛ.øj.ɑ]) iku sawijining pulo subantarktika dhuwur sing suwung. Pulo jajahan Norwègia iku ora ana sing manggoni lan dunungé ana ing Samodra Atlantis Kidul mawa koordinat: 54°25.8′S 3°22.8′E, dadi dunungé saloring Sistém Prajanjèn Antarktika. Pulo iki pulo sing langut dhéwé sadonya, adohé 2.600 km saka pasisir kidul/kidul-kulon Afrika Kidul lan sakiwa-tengené 1.700 km saloring Pasisir Putri Astrid ing Tanah Ratu Maud, Antarktika. Pulo iki dunungé ya ing pungkasan kidulé Rabung Tengah Atlantis.