Bendungan Aswan
Bendungan Aswan iku wadhuk sing dumunung ing kutha Aswan, Mesir. Kutha Aswan iku kutha ing "katarak" kali Nil ing Mesir. Loro dham mbendung kali ing titik iki: Bendungan Dhuwur Aswan (basa Arab السد العالي; alih aksara: as-Sad al-'Aly) sing luwih anyar lan Bendungan Aswan sing lawas utawa Bendungan Cendhèk Aswan.
Tanpa dibendung, kali Nil bakal banjir saben taun ing mangsa panas, amarga banyu saka Afrika Wétan mili lumebu ing kali iki. Banjir-banjir iki nggawa akèh dat nutrisi lan mineral sing agawé lemah ing saubengé kali Nil dadi subur lan idéal dadi tlatah tetanèn.