Spjall:Hekla

Hekla - drottning íslenskra fjalla?? Það eru aðeins síður á netinu þar sem hún er nefnd svo. Annars ber Herðubreið eingöngu þennan titil. [1] Og þetta virðist vera nokkuð nýlegt að kalla hana svo. -- Að vísu í einni minningargrein og í blaðursgrein í Fréttablaðinu á einum stað er Hekla nefnd Drottning íslenskra fjalla, en hvaðan kemur þetta? Hvaðan koma alvöru heimildir um að Hekla sé einnig kölluð þessu gælunafni? Og þetta er svo ótrúlega ungt í málinu virðist vera, alltént ef maður dæmir út frá tímarit.is. Og hérna með z, nokkuð eldri dæmi (frá 1946) og á bara við um Herðubreið. [2]. Einhvernveginn grunar að mig að menn hafi ruglast á þessum fjöllum, eða fundist Hekla eiga þennan titil skilin líka. --85.197.210.44 19. febrúar 2009 kl. 12:45 (UTC)

Mér dettur allt í einu í hug, getur verið að þarna sé um smá rugling að ræða? Drottning íslenskra eldfjalla = Hekla. Sbr.: [3]--85.197.210.44 19. febrúar 2009 kl. 12:48 (UTC)

Gos '81

Mig minnir að árið 81 hafi Hekla ekki gosið í um 6 mánuði, má þá ekki tala um nýtt gos?--Berserkur (spjall) 1. ágúst 2019 kl. 11:55 (UTC)

Gosið 1980-81 hófst í ágúst 1980 með því að gjósku og hrauni gaus á 7 km langri sprungu á megin-hrygg Heklu. Þessi kafli stóð í 3 daga og framleiddi um 60 milljón rúmmetra gjósku auk hrauns sem var um 22.5 ferkílómetrar að stærð (meðalþykkt 5 m). Eftir margra mánaða hlé hófst nýr kafli í gosinu í apríl 1981 og stóð í viku. https://jardvis.hi.is/hekla_gossaga

7 mánuða hlé, en jú mér sýnist þó talað um sama gos... --Berserkur (spjall) 1. ágúst 2019 kl. 12:01 (UTC)

Flokkun

Mér finnst þetta komið út í skringilegheit ef má ekki flokka Heklu sem fjall og eldfjall á Íslandi... Berserkur (spjall) 6. maí 2024 kl. 13:16 (UTC)

Flokkurinn Eldfjöll á Íslandi eru inní flokknum Fjöll á Íslandi. Ég veit ekki um nein eldfjöll sem eru ekki líka fjöll. Þessvegna finnst mér óþarfi að vera með Heklu sem fjall þar sem það er nú þegar í flokknum eldfjall. Steinninn 6. maí 2024 kl. 13:58 (UTC)

En Hekla er ekki í flokknum Eldfjöll á Íslandi því þú eða vélmennið þitt tók hann út.

--Berserkur (spjall) 6. maí 2024 kl. 14:33 (UTC)

Já, fyrirgefðu. Hekla er semsagt inní flokknum Megineldstöðvar á Íslandi sem er inní flokknum Eldfjöll á Íslandi. Mögulega er þetta of-flokkun. Spurning hvort það ætti að einfalda þetta eitthvað. En eins og ég sé þetta þá eru allar megineldstöðvar líka eldfjöll og öll eldfjöll eru líka fjöll. Ég væri alveg hlynntur því að sameina megineldstöðvar og eldfjöll. Steinninn 6. maí 2024 kl. 16:23 (UTC)

Meginelstöðvar gætu sameinast niður flokkatréð í eldfjöll.

Eldfjöll sem eru ekki meginelstöðvar eru Vatnafjöll, Þráinsskjöldur, Trölladyngja og Syrtlingur, mögulega fleiri.

Náttúrufræðistofnun skilgreinir eldstöðvakerfi sem "hóp eldstöðva eða eldfjalla", þannig nokkur eldfjöll eru í hverju eldstöðvarkerfi, ekki bara megineldstöð. Snævar (spjall) 6. maí 2024 kl. 17:19 (UTC)

Það er alveg rétt, svo eru sum eldstöðvakerfi sem eru ekki með neina meginelstöð, eins og til dæmis Svartsengiskerfið. --Steinninn 6. maí 2024 kl. 17:38 (UTC)