Gazpacho
Gazpacho esas Hispana pre-disho. Ol esas kolda supo de kruda legumi e spici, maxim ofte kun tomato, en l'originala versiono absolute sen karno o buliono. Ca supo ne esas varmigata ma devas esar manjata kolde. Gazpacho satisfacas la hungro, dursto e provizas la korpo de la necesa vitamini e salo. La disho povas esar manjata tam kom amuzajo, predisho, chefa repasto, "tapa" o kom interrepastajo.