El-Ninyo

El-Ninyo esas la periodal acenso di la temperaturo di la mar-aquo til 5 gradi segun Celsio plu kam normale, avan la litoro di Peru ed Equador; kun pluvego. Normale relative kold aquo fluas alonge la westala litoro di Sud-Amerika, venanta de la sudo di la Grand Oceano, la tala-nomizita Peru- o Humboldt-fluo. Ca kold aquo donas a Peru olua dezertala karaktero ed a la maro granda fisharo. Pro to El-Ninyo povas havar dizastroza konsequaji por la peskado di Peru.

El-Ninyi ofte eventas kun katastrofal inundi e sikesi altr-ube en la mondo. Exemple, l'El-Ninyo di 1982/1983 efektigis grand inundi en Kalifornia e Zimbabwe.

Pri la kauzi por l'existo di El-Ninyo ankore ne esas klara. Esas certa ke se El-Ninyo developas su, varma mar-aquo de la westo di la Grand Oceano shovas al esto. Posible to esas pro chanjo en la forteso dil alizei.