Charles la Temerara
Etoso
Charles la Temerara | ||
![]() | ||
Duko di Burgundia | ||
Guvernisteso: | de 1433 til 1477 | |
Precedanto: | Philippe le Bon | |
Sucedanto: | Marie de Bourgogne e Maximilien de Habsbourg | |
Personal informi | ||
Naskodato: | 10 di novembro 1433 | |
Naskoloko: | Dijon | |
Mortodato: | 5 di januaro 1477 | |
Mortoloko: | Nancy | |
Spozo: | Catherine de Francia Isabelle de Bourbon Marguerite de York |
Charles la Temerara (Charles le Téméraire) esis la duko di Burgundia. Ilu mortis dum la batalio di Nancy ye la 5ma di januaro 1477.
La posedaji di Charles la Temerara komence inkluzis Flandria e Holando. Ilu deziris krear nedependanta regiono sude di ca teritorii e norde di Burgundia, inter Francia e Germania. Por ca skopo il establisis en 1465 ligo di feudala nobeli (la ligue du Bien public) qui opozus Franca rejulo Louis la 11ma. Suisia, Lotringia e la Santa Romana Imperio federis kontre Charles. Ilua armeo, diminutita pro la severa koldeso, vinkesis an la muregi di Nancy da armei di Suisia e Lotringia, e la ligo di nobeli krulis. Charles havis nula maskula heredanti, e Burgundia nultempe pose esis nedependanta teritorio.
Bibliografio
[redaktar | redaktar fonto]- John Bartier, Charles le Téméraire, Éditions Arcade, Bruxelles, 1970.
- Marcel Brion, Charles le Téméraire, grand-duc d'Occident, Éditions Tallandier, 2006.
- Joseph Calmette, Les Grands Ducs de Bourgogne, Éditions Albin Michel, 1949 (et 1994).