Goran Vasileski

Народните обичаи што се реализираат за време на празникот
посветен на Св. Пророк Еремија претставуваат дел од циклусот на пролетни
празнувања. Тие се малку истражувани и обработувани обичаи, а денес се заборавени
меѓу народот и речиси се непознати за помладата популација. Најкарактеристично за
овој празник е бркањето на змиите, како и обичаите при правењето на
црепни/подници. Целта на овој труд е реконструирање на овие обичаи, кои денес
можат да се забележат само според сеќавањата на постарите луѓе.

Во овој труд ќе стане збор за женските обредни поворки кои се реализираат на празникот
Раѓање на Свети Јован Крстител, односно Иванден (07.07.). Иако и на други места се среќаваат овие
обредни поворки, сепак, тука повеќе внимание ќе се даде на женските поворки во пределите Прилепско
Поле, Битолско Поле (или Прилепско-битолско Поле како една целина) и Железник. Овие предели не се
случајно ставени во една група. Иванденските женски обредни поворки од овие предели се доста слични
и наликуваат едни на други, но ќе бидат идентификувани и меѓусебните разлики.