Memanbetsu, Hokkaido

Ti Memanbetsu (女満別町, Memanbetsu-chō) ket maysa idi nga ili a mabirukan iti Distrito ti Abashiri, Subprepektura ti Abashiri (ita ket Subprepektura ti Okhotsk), Hokkaido, Hapon.

Manipud idi 2004, ti ili ket addaan iti nakarkulo a populasion iti 5,925 ken ti densidad ti populasion iti 37.26 a tattao tunggal maysa a km². Ti dagup a kalawa ket 159.02 km².

Idi Marso 31, 2006, naitipon ti Memanbetsu iti Purok ti Higashimokoto (manipud pay iti Distrito ti Abashiri) tapno mapartuat iti baro nga Ili ti Ōzora.

Pagluganan

Iti lugar iti dati nga ili, agpatpataray ti Kompania ti Perokaril ti Hokkaido (JR Hokkaido) kadagiti dua nga estasion iti igid ti Linia ti Sekihoku:

• Estasion ti Memambetsu
• Esstasion ti Nishi-Memambetsu

Isuda a dua ket naipanagan iti dati nga ili.

Naipanagan pay iti dati nga ili ti Eropuerto ti Memanbetsu.

Pakasaritaan

• 1890 – Pannakaipatakder iti panagpukan iti kayo para iti idustria ti panagpataud iti posporo.
• 1898 – Nangrugrugi iti agrikultura, a nakaituronga ti iyaay ti ekstensibo a pagtaengan iti lugar.
• 1912 – Iti pannakailukat ti estasion ti Memambetsu iti baro alinia ti perokaril a pagbaetan ti Kitami ken Abashiri, adu dagiti simmangpet a bilang dagiti agtataeng ken nangrugi a dimmur-as iti bassit a purok.
• April 1921 – Administratibo a naisina ti Memanbetsu manipud iti Siudad ti Abashiri ket naikkan iti opisial a kasasaad a kas maysa a purok.
• April 1951 – Ti Memanbetsu ket naikkan iti opisial a kasasaad a kas maysa nga ili.
• 31 March 2006 – Naitipon ti Ili ti Memanbetsu iti Purok ti Higashimokoto (adda pay iti Distrito ti Abashiri) tapno mangbukel iti baro nga ili ti Ōzora.

Dagiti akinruar a silpo

• Internet Archive of Memanbetsu's website (iti Hapon)