Magnoliids
| Magnoliids | |
|---|---|
| |
| Sabong ti Asimina triloba | |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Magnoliids |
| Sebbangan-kita | |
| Magnolia virginiana | |
| Dagiti urnos | |
Ti Magnoliids (wenno Magnoliidae wenno Magnolianae) ket dagiti grupo dagiti agsabsabong a mula. Iti nabiit, ti grupo ket nangiraman iti agarup a 9,000[1] a sebbangan, a mairaman dagiti magnolia, nutmeg, bay laurel, cinnamon, abokado, pamienta, kayo a tulipa ken dadduma pay nga adu. Nailasin ti grupo babaen dagiti trimero a sabsabong, ti polen nga addaan iti maysa nga espora, ken kadawyan nga agsangasanga a nauratan a bulbulong.
Pannakaidasig
[urnosen | urnosen ti taudan]Ti "Magnoliidae" ket ti botanikal a nagan iti maysa a subklase, ken ti "magnoliids" ket ti maysa nga impormal a nagan a saan a maitunos iti Internasional Kodigo ti Nomenklatura para iti algas, fungi, ken mulmula. Ti sirkumskripsion iti maysa a subklase ket agdumadumanto iti maus-usar a taksonomiko a sistema. Ti laeng masapul ket ti nasken a mairaman ti pamilia ti Magnoliaceae.[2] Ti impormal a nagan a "magnoliids" ket inus-usar babaen dagiti sumagmamano nga agsuksukisok tapno maliklikan iti pannakaiyallilaw iti kaudian a mangpalkmut iti nagan a "Magnoliidae". Iti ad-adu a kaudian, ti grupo ket naipalawag manen babaen ti PhyloCode a kas maysa a naibatay iti nodo a klado a mangbukel kadagiti Canellales, Laurales, Magnoliales, ken Piperales. Insingasing da Chase & Reveal, ti "Magnoliidae" a kas ti nagan a mausar para iti intero a grupo dagiti agsabsabong a mula, ken ti pormal a nagan a "Magnolianae" para iti grupo dagiti uppat nga urnos a maitungtungan ditoy.[3]
Sistema ti APG
[urnosen | urnosen ti taudan]Ti APG III (2009) ken dagiti sistema a sinarunona ket saan a dati a nagusar iti pormal a botanikal a nagnagan iti ngato ti ranggo ti urnos. Babaen dagiti a sistema, dagiti dakdakkel a klado ket kadawyanda a naibagbaga babaen kadagiti impormal a nagan, a kas ti "magnoliids" (ad-adu ngem maysa, saan a kapitalisado) wenno "magnoliid complex". Ti pormal a nagan iti Linneano a nomenklatura ket naikeddeng idi ti maysa a sabali a pablaak ti APG kas iti addan a nagan iti "Magnolianae" Takht. (1967).[3] Bigbigen ti APG IIIti maysa a klado iti kaunegan ti angiospermae para iti magnoliids. Ti sirkumskripsion ket:
klado ti magnoliids
|
| ||||||||||||||||||||||||||||||||||||||||||||||||
| Ti agdama a pilohenio ken ti komposision ti magnoliids.[4][5] | |||||||||||||||||||||||||||||||||||||||||||||||||
Mangiraman ti klado iti kaaduan dagiti grupo a basalo iti angiospermae. Daytoy a klado ket dati idi a pormal a nanaganan iti Magnoliidae idi 2007 babaen dagiti probision ti PhyloCode.[6]
Sistema ti Cronquist
[urnosen | urnosen ti taudan]
Ti sistema ti Cronquist (1981) ket nagus-usar iti nagan a Magnoliidae para iti maysa kadagiti innem a subklase (iti kaunegan ti klase ti Magnoliopsida = dagiti dicotyledon). Iti Kasisigud a bersion iti daytoy a sistema ti sirkumskripsion ket:[7]
- Subkalse ti Magnoliidae :
- Urnos ti Aristolochiales
- Urnos ti Illiciales
- Urnos ti Laurales
- Urnos ti Magnoliales
- Urnos ti Nymphaeales
- Urnos ti Papaverales
- Urnos ti Piperales
- Urnos ti Ranunculales
Dagiti sistema ti Dahlgren ken Thorne
[urnosen | urnosen ti taudan]Idasig isuda a dua ti Dahlgren ken Thorne ti magnoliids (sensu APG) iti super-urnos ti Magnolianae, imbes a kas maysa a subklase.[8] Iti sistemada, ti nagan a Magnoliidae ket inus-usar para iti dakdakel unay a grupo a mairaman amin dagiti dicotyledon. Daytoy pay ti kaso dagiti sistema a naala manipud iti sistema ti Cronquist.
Biningbingay ni Dahlgren ti bukodna a Magnolianae kadagiti sangapulo nga urnos, ad-adu ngem iti ania man a sistema iti dayta a panawen, ken saan met a kapada da Cronquist ken Thorne, saanna nga inraman ti Piperales.[9] Ingrupo ni Thorne iti kaaduan a bukodna a Magnolianae kadagiti dua a dakkel nga urnos, ti Magnoliales ken Berberidales, uray no ti bukodna a Magnoliales ket nabingbingay kadagiti sub-urnos a maipada kadagiti ordinal a pannakaigrupo babaen da Cronquist ken Dahlgren. Binaliwan ni Thorne ti sistemana idi 2000, a nangigawid iti nagan a Magnoliidae tapno mangiraman laeng ti Magnolianae, Nymphaeanae, ken Rafflesianae, ken nagikkat iti Berberidales ken dagiti dati a nairaman a grupo iti subklasena iti Ranunculidae.[10] Daytoy a nabaliwan a sistema ket agbaliw manipud iti sistema ti Cronquist, ngem as-asideg nga agtunos iti sirkumskripsion a naladladaw a naipablaak babaen ti APG II.
Tabla ti panangiyasping
[urnosen | urnosen ti taudan]Masansan a nairgat ti panangipada kadagiti sistena ti pannakaidasig. Dagiti dua mannurat ket mabalinda nga ipakat ti isu met laeng a nagan dagiti grupo nga agraman kadagiti sabali a komposision dagiti kameng; kas pagarigan, ti Magnoliidae ni Dahlgren ket iramannna amin dagiti dicot, bayat a ti Magnoliidae ni Cronquists ket maysa laeng kadagiti lima a grupo ti dicot. Dagiti dua a mannurat ket mabalinda pay nga ipalawag ti isu met laeng a grupo nga agraman iti gangganani nga agpada a komposision, bnegm ti tunggal maysa kaniada ket mabalinton a mangipakat ti maysa a sabali a nagan iti dayta a grupo wenno lugar iti maysa a sabali a taksonomiko a ranggo. Kas pagarigan, ti komposision ti subklase ti Magnoliidae ni Cronquist ket ganggani a kapada ti super-urnos ti Magnolianae ni Thorne (1992), uray no aggiddiat iti taksonomiko a ranggo.
Gpau kadagitoy a karigat ken dadduma pay, ti sinoptiko a tabla dita baba ket ket saan a presision ti pannakaiyasping ti panangipalawag dagiti grupo ti "magnoliid" kadagiti sistema dagiti uppat a mannurat. Para iti tunggal maysa a sistema, dagiti laeng urnos ti nangaanan iti tabla. Amin dagiti urnos nga inraman babaen ti naisangayan a mannurat ket nailista ken naisilpo iti dayta a batong. No ti maysa a takson ket saan a nairaman babaen ti dayta a mannurat, ngem inraman idi babaen ti maysa a mannurat iti sabali a batong, agparang dayta a banag iti di naisilpo nga italiko ken mangibaga ti nasulinek a pannakaikabil. Ti panagsasaruno ti tunggal maysa a sistema ket nabaliwanen manipud iti pablaakna tapno maiparis kadagiti maitunos a takson iti baetan dagiti batong.
| Sistema ti APG II[11] magnoliids |
Sistema ti Cronquist[7] Magnoliidae |
Sistema ti Dahlgren[9] Magnolianae |
Sistema ti Thorne (1992)[8] Magnolianae |
Sistema ti Thorne (2000)[10] Magnolianae |
|---|---|---|---|---|
| Laurales | Laurales | Laurales | Magnoliales | Magnoliales |
| Magnoliales | Magnoliales | Magnoliales | ||
| Annonales | ||||
| Canellales | Winterales | |||
| Piperales | Lactoridales | |||
| Aristolochiales | Aristolochiales | |||
| Piperales | Piperales in Nymphaeanae | |||
| di naikabil wenno kadagiti klado ti basalo | Chloranthales | |||
| Illiciales | Illiciales | |||
| iti Rosidae | Rafflesiales | iti Rafflesianae | iti Rafflesianae | |
| Nymphaeales | iti Nymphaeanae | iti Nymphaeanae | iti Nymphaeanae | |
| Ceratophyllales | iti Ranunculidae | |||
| naikabil iti klado ti eudicot | Nelumbonales | Nelumbonales | ||
| Ranunculales | iti Ranunculanae | Berberidales | ||
| Papaverales | ||||
| iti Dilleniidae | iti Theanae | Paeoniales |
Kitaen pay
[urnosen | urnosen ti taudan]Dagiti nagibasaran
[urnosen | urnosen ti taudan]- ^ Palmer, Jeffrey D.; Soltis, Douglas E.; Chase, Mark W. (2004). "The plant tree of life: an overview and some points of view". American Journal of Botany. 91 (10): 1437–1445 (Fig.2). doi:10.3732/ajb.91.10.1437. PMID 21652302. Naiyarkibo manipud iti kasisigud idi 2010-10-09. Naala idi 2019-02-22.
- ^ International Code of Nomenclature for algae, fungi, and plants, Art. 16
- ^ a b Chase, M.W.; Reveal, J.L. (2009), "A phylogenetic classification of the land plants to accompany APG III", Botanical Journal of the Linnean Society, 161 (2): 122–127, doi:10.1111/j.1095-8339.2009.01002.x
- ^ The Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III". Botanical Journal of the Linnean Society. 161: 105–121. doi:10.1111/j.1095-8339.2009.00996.x.
- ^ Soltis, P. S.; Soltis, Douglas E. (2004). "The origin and diversification of Angiosperms". American Journal of Botany. 91 (10): 1614–1626. doi:10.3732/ajb.91.10.1614. PMID 21652312.
- ^ Cantino, Philip D.; James A. Doyle; Sean W. Graham; Walter S. Judd; Richard G. Olmstead; Douglas E. Soltis; Pamela S. Soltis; Michael J. Donoghue (2007). "Towards a phylogenetic nomenclature of Tracheophyta". Taxon. 56 (3): E1–E44. doi:10.2307/25065865.
- ^ a b Cronquist, Arthur (1981). An Integrated System of Classification of Flowering Plants. New York: Columbia University Press. ISBN 0-231-03880-1.
- ^ a b Thorne, R. F. (1992). "Classification and geography of the flowering plants". Botanical Review. 58 (3): 225–348. doi:10.1007/BF02858611. S2CID 40348158.
- ^ a b Dahlgren, R.M.T. (1980). "A revised system of classification of angiosperms". Botanical Journal of the Linnean Society. 80 (2): 91–124. doi:10.1111/j.1095-8339.1980.tb01661.x.
- ^ a b Thorne, R. F. (2000). "The classification and geography of the flowering plants: Dicotyledons of the class Angiospermae". Botanical Review. 66 (4): 441–647. doi:10.1007/BF02869011. S2CID 43430454.
- ^ Angiosperm Phylogeny Group (2003). "An update of the Angiosperm Phylogeny Group classification for the orders and families of flowering plants: APG II". Botanical Journal of the Linnean Society. 141 (4): 399–436. doi:10.1046/j.1095-8339.2003.t01-1-00158.x.
Dagiti akinruar a silpo
[urnosen | urnosen ti taudan]
Dagiti datos a mainaig iti Magnoliids iti Wikispecies
Dagiti midia a mainaig iti Magnoliids iti Wikimedia Commons