ISO 639-1
| Biruken ti pagsasao |
|---|
| Ikabil ti kodigo ti ISO 639-1 tapno makita ti maitunos nga artikulo. |
Dagiti ISO 639-1:2002, a kodigo a pannakabagi dagiti nagan iti pagsasao — Paset 1: Alpha-2 a kodigo, ket isu ti umuna a paset ti ISO 639 a serye iti pagalagadan para dagiti kodigo ti pagsasao. Ti paset i 1 ket sakupenna ti panagrehistro dagiti dua a letra ti kodigo. Adda dagiti 136 a dua a letra a kodigo a nairehistro. Dagiti nairehistro a kodigo ket sakupenna dagiti kangrunaan a pagsasao iti lubong.
Dagitoy a kodigo ket naserbi nga internasional, ken pormal, takigrapia para iti panagipatudo kadagiti pagsasao. Kas pagarigan:
- Ti Armenio ket nairepresenta babaen ti hy (manipud iti endonimo a հայերէն, Hayeren)
- Ti Olandes ket nairepresenta babaen ti nl (manipud iti endonimo a Nederlands)
- Ti Ingles ket nairepresenta babaen ti en
- Ti Esperanto ket nairepresenta babaen ti eo
- Ti Pranses ket nairepresenta babaen ti fr
- Ti Aleman ket nairepresenta babaen ti de (manipud iti endonimo a Deutsch)
- Ti Ido ket nairepresenta babaen ti io
- Ti Italiano ket nairepresenta babaen ti it
- Ti Hapon ket nairepresenta babaen ti ja (nupay ti bukodna nga endonimo ket日本語, Nihongo)
- Ti Portuges ket nairepresenta babaen ti pt
- Ti Ruso ket nairepresenta babaen ti ru
- Ti Espaniol ket nairepresenta babaen ti es (manipud iti endonimo nga español)
- Ti Sueko ket nairepresenta babaen ti sv (manipud iti endonimo a svenska)
Ti ISO 639, ket isu ti kasisigud a pagalagadan para kadagiti kodigo ti pagsasao, ket napasingkedan idi 1967. Napisi idi daytoy iti dua a paset, ken idi 2002 ti ISO 639-1 ket nagbalin a ti baro nga edision iti kasisigud a pagalagadan. Ti kinaudi a kodigo a nainayon ket ti ht, a nagirepresenta ti Haiti a Kreol idi 2003-02-26. Ti panagusar iti pagalagadan ket pagpatageden babaen dagiti etiketa ti pagsasao ti IETF, a naipayam-ammo ti RFC 1766 idi Marso 1995, ken intultuloy ti RFC 3066 manipud idi Enero 2001 ken RFC 4646 manipud idi Septiembre 2006. Ti agdama a bersion ket ti RFC 5646 manipud idi Septiembre 2009. Ti Sentro ti Internasional a Pakaammo para iti Terminolohia (Infoterm) (ket isu ti panagrehistro a turay para dagiti a kodigo ti ISO 639-1.
Dagiti baro nga ISO 639-1 a kodigo ket saan a mainayon no ti maysa nga ISO 639-2 kodigo ket addan, Isu nga dagiti sistema nga agus-usar kadagiti ISO 639-1 ken 639-2 a kodigo, nga adda dagiti 639-1 a kodigo a kaykayat, ket saanda nga agibaliw kadagiti addan a kodigo.[1]
No ti maysa nga ISO 639-2 a kodigo a sumakop ti maysa a grupo dagiti pagsasao ket mausar, mabalin a mabaliwan para kadagiti naisangayan a pagsasao babaen ti baro nga ISO 639-1 a kodigo.
| ISO 639-1 | ISO 639-2 | Nagan | Petsa a nainayon | Sinakop idi babaen ti |
|---|---|---|---|---|
| io | ido | Ido | 2002-01-15 | art |
| wa | wln | Walon | 2002-01-29 | roa |
| li | lim | Limburges | 2002-08-02 | gem |
| ii | iii | Sichuan Yi | 2002-10-14 | sit |
| an | arg | Aragones | 2002-12-23 | roa |
| ht | hat | Haiti a Kreol | 2003-02-26 | cpf |
Awan ti nakaitudingan a panagikaso iti makro a pagsasao (kitaen ti ISO 639-3).