Gravitation
Gravitation, o gravitá, es un fenomen natural per quel córpores fisic atrae con un fortie proportional a lor masses. In vive quotidian, gravitation es li max familiari quam li agente que da pesa a coses con masse e causa les de cader al terre. Gravitation causa disperset materie de fuse, e fuset materie de remaner integri, talmen explanar li existentie del Terra, li Sole, e li majori parte de coses macroscopic in li universe.
Gravitation es responsabil por retener li Terra e li altri planetes in lor orbites circa li Sole, li Lune in su orbite circa li Terra, e por li formation del mareas; por convection natural, per quel flution fluidic ocurre per li influentie de un gradiente de densitá e gravitá; por calentar in li interiores de formant stelles e planetes a tre alt temperaturas, e por varie altri fenomenes observat sur li Terra.
Gravitation es un del quar savet interactiones fundamental de nature, con li fortie fort, electromagnetisme, e li fortie debil. Fisica modern descri gravitation usar li theorie general de relativitá, in quel gravitation es un consequentie del curvatura de spacie-tempor que governa li motion de objectes inertial. Ma li plu simplic lege de gravitation universal de Newton provide un adequat aproximation por max calculationes.
Vide anc
[modificar | redacter fonte]- Gravitá artificial
- Gravitá normal
- Lege de gravitation universal de Newton
- Leges de motion de Newton
- Fortie
- Masse
- Mecanica celestial
- Pesa
- Relativitá general
- Undes gravitational