Januthri
| Januthri | |
|
|
|
| Classe | insula |
|---|---|
| Pais | Italia |
| Population | 13 |
| Area | 2,6 km²  |
| Situate in | Isola del Giglio |
| Altitude | 88 m |
| Coordinatas | 42°15'N, 11°6'E |
| Geonames ID | 3176147 |
| Wikimedia Commons Category Giannutri island | |
Le insula de Januthri (in italiano: Isola di Giannutri; del etrusco: 𐌉𐌓𐌈𐌖𐌍𐌀𐌉, Ianuthri; in latino classic: Diānea o Diānium; in greco antique: Αρτεμισία, Artemisia) es un insuletta roccose mediterranee, le plus meridional del Archipelago Toscan atque le puncto le plus meridional del region Toscana.
Ubicate a circa 14km sud-est del Insula del Lilio e 12km sud del Monte Argentario, longe le costa continental italian, le parve vico e le villas sparse de Januthri forma un localitate del communa del Lilio in le provincia de Grosseto, vocate institutionalmente Località Spalmatoio-Ischiaiola (27 habitantes; 50m s.n.m.). Sur le insula se conserva le restos archeologic de un antique porto roman e un villa patricie, Villa Domitia, construite in le seculo IIe e visitabile con guida.
Januthri es in ultra un importante station de recreation e reproduction de permulte aves migratori, le nido de un copiose communitate de conilios silvestre (Oryctolagus cuniculus), e le demora de plantas (Limonium dianium, Limonium multiforme, Cneorum tricoccon, e Helichrysum litoreum) e de un parve sauro phyllodactyle (Euleptes europaea o geco januthrin) endemic del insulas toscan, inde un area protecte integral del Parco National del Archipelago Toscan. Il es dunque possibile pro le foresteros facer visitas diurne, ma il es prohibite construer stratas o nove edificios, portar automobiles, piscar, prelevar flora e fauna, o ibi passar le nocte sin le permisso de residentia.
