«Վիշապի տունը» (անգլ.՝ House of the Dragon), ամերիկյան ֆենտեզի ժանրի դրամատիկ հեռուստասերիալ, որը ստեղծվել է Ջորջ Ռ․ Ռ․ Մարտինի և Ռայան Կոնդալի կողմից՝ «HBO» հեռուստաալիքի պատվերով։ Հանդիսանում է «Գահերի խաղը» հեռուստասերիալի (2011–2019) փրիքվելը, որը նկարահանվել է Մարտինի «Կրակ և արյուն» վեպի հիման վրա։ Սերիալի գործողությունը ծավալվում է «Գահերի խաղի» իրադարձություններից 300 տարի առաջ և պատմում է Թարգարիենների տան մասին։ Սերիալի առաջին եթերաշրջանի պրեմիերան կայացել է 2022 թվականի օգոստոսի 21-ին։
Սերիալը պատմում է Վեստերոս գեղարվեստական մայրցամաքում տեղի ունեցած իրադարձությունների մասին,որոնք տեղի են ունեցել «Գահերի խաղը» սերիալի դեպքերից մոտ 200 տարի առաջ։
Սյուժեն կենտրոնանում է «Վիշապների պար» քաղաքացիական պատերազմի վրա,որը հանուն գահի մղված պայքար էր Տարգարյեն թագավորական տան երկու ճյուղերի միջև։
Պատերազմը սկսվում է Վիսերիս I թագավորի մահից հետո,երբ Արքայադուստր Ռեյնիրան և արքայազն Էգոն Տարգարիենը միաժամանակ հայտարարեցին իրենց իրավունքները Երկաթե գահի նկատմամբ։
Փեդի Քոնսիդայն - Վիսերիս I Թարգարիեն[2] Վեստերոսի արքան։ Հայտնի է որպես «ջերմ, բարի և պարկեշտ մարդ», Վիսերիսն ընտրվել է Լորդերի խորհրդի կողմից, Ջեյհեյրիս Թարգարիենին թագավորի պաշտոնում փոխարինելու համար[3]
Էմմա Դ'Արսի - Ռեյնիրա Թարգարիեն Վիսերիսի դուստրը նրա առաջին կնոջից և ընտրված ժառանգորդից։ Նա վիշապների որսորդ է, ով հույս ունի դառնալ Վեսթերոսի առաջին իշխող թագուհին[3]
Օլիվիա Կուկ - Ալիսենթ Հայթաուեր Վեսթերոսի թագուհին, Օտտո Հայթաուերի դուստրը, Վիսերիսի երկրորդ կինը և Ռեյնիրայի խորթ մայրը, ով ունի իր սեփական երեխաները Վիսերիսից[3]
Մեթ Սմիթ - Արքայազն Դեյմոն Թարգարիեն,Վիսերիս I Թարգարենի թագավորի կրտսեր եղբայրը և արքայադուստր Ռեյնիրա Թարգարիենի երկրորդ ամուսինը ։ Քինգս Լենդինգի քաղաքային պահակախմբի հրամանատար, ավելի ուշ՝ Ստեպսթոունների թագավոր։ Դեյմոնը հայտնի է որպես «արատավոր արքայազն» իր անկանխատեսելի պահվածքի պատճառով։ Արքայազնը նաև կատաղի մարտիկ է և վալիրյան պողպատե սրի «Մութ քույր»-տերը։ Նա հմուտ հեծյալ է, ով հեծնում է «Արյունոտ օձ» մականունով վիշապ Կարաքսեսին։
Ռիս Իֆանս - Սըր Օտտո Հայթաուեր. Ալիսենտ թագուհու հայրը և Վիսերիս I թագավորի Աջ ձեռքը նրա փոքր խորհրդում, պաշտոն, որը Օտտո Հայթաուերը պահպանեց իր թոռան՝ Էգոն II-ի օրոք ։ Նա ամբարտավան է, կոպիտ և ագահ։
Սթիվ Թուսեն - Լորդ Կորլիս Վելարյոն. Դրիֆթմարկի տիրակալը և Վելարիոն տան ղեկավարը, Յոթ թագավորությունների ամենահարուստ և հզոր ընտանիքներից մեկը:Եղել է Նավերի նախկին վարպետը Վիսերիս I Թարգարիեն թագավորի օրոք։ Կորլիս Վելարյոնը հայտնի է որպես «Ծովային օձ» և Վեստերոսի պատմության մեջ ամենահայտնի ծովագնացն է։
Իվ Բեսթը - Արքայադուստր Ռեյնիս Թարգարիեն. Վիսերիս I Թարգարիենի ավագ զարմիկը և լորդ Քորլիս Վելարյոնի կինը։ Ռեյնիսը արքայազն Էյմոն Թարգարիենի՝ Ջեյհերիս I Թարգարիենի թագավորի հանգուցյալ ժառանգորդի և Ջոսելին Բարաթեոնի՝ միակ զավակն է։ Ռեյնիսը հայտնի է որպես «Գրեթե թագուհի», քանի որ նա իր պապի` Ջեյհերիս I-ի հնարավոր ժառանգորդն էր Երկաթե գահի վրա, որպես Յոթ Թագավորությունների կառավարիչ, բայց իգական սեռի պատճառով թագավորը դառնում զարմիկը՝ Վիսերիսը։ Կորլիս Վելարիոնի հետ ամուսնության ժամանակ նա ուներ որդի Լեյնորը և դուստր Լեյնան։ Ռեյնիսը սարսափելի վիշապասեր է, ով հեծնում է Մելեիս (Կարմիր թագուհի) վիշապին։
