Նանայներ (հին անվանումը՝ գոլդեր), ժողովուրդ։ Բնակվում են գլխավորապես Ամուր գետի ստորին հոսանքի (ՌուսաստանիԽաբարովսկի երկրամաս) և Ուսսուրի գետի աջակողմյան վտակների ափերին։ Ընդհանուր թիվը Ռուսաստանիում՝ 17 հզ․ (2010)։
Նանայների մի փոքր խումբ բնակվում է Չինաստանում, Սունգարի և Ուսսուրի գետերի միջև։ Խոսում են նանայերեն։ Մինչև XX դ․ սկիզբը, թեև տարածված էր ուղղափառությունը, նանայների հավատալիքների մեջ մեծ նշանակություն ուներ շամանությունը։ Ռուսաստանում նանայները ընդգրկված են կոլեկտիվ տնտեսություններում, ուր ձկնորսության և որսորդության հետ զբաղվում են նաև հողագործությամբ ու անասնապահությամբ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 178)։
