Ալ-Բուսեյրա

Ալ-Բուսեյրա (արաբ․՝ البصيرة‎‎‎‎), քաղաք Սիրիայի Արաբական Հանրապետության Դեյր-էլ-Զորի մարզում։ Հանդիսանում է Դեյր-էլ-Զորի գավառի 7 շրջաններից մեկի՝ ալ-Բուսեյրայի շրջանի կենտրոնը։ 2004 թվականի տվյալներով շրջանն ուներ 40 236 բնակիչ՝ հիմնականում արաբներ^[1]։ Հիմնական զբաղմունքը ոռոգովի երկրագործությունն է և անասնապահությունը։

Քաղաքը գտնվում է Խաբուր և Եփրատ գետերի միախառնման տեղում, Դեյր-էլ-Զոր քաղաքից հարավ-արևելք։ Մոտ բնակավայրերից են ալ-Մուհասսանը՝ հյուսիս-արևմուտքում, ալ-Աշարան, ալ-Մայադինը և Հաջինը՝ հարավ-արևելքում։ Քաղաքն հայտնի էր իր լատիներեն անվանմամբ՝ Ցիրկեզիում (լատին․՝ Circesium)։

Ծանոթագրություններ