Wojerecy

**Wojerecy**
němsce	Hoyerswerda
	Wojerecy na karće Sakskeje
	Wojerecy na karće Sakskeje
Wopon
	Wopon Wojerec
	Wopon Wojerec
Zakładne daty
stat	Němska
zwjazkowy kraj	Sakska
wokrjes	Budyski
wysokosć	117 metrow n.m.hł.
přestrjeń	95,53 km²
wobydlerstwo	31.404 (31. dec 2023)
hustosć zasydlenja	329 wob. na km²
póstowe čisło	02977
předwólba	(+49) 03571
awtowa značka	BZ, BIW, HY, KM
Politika a zarjadnistwo
wyši měšćanosta	Torsten Ruban-Zeh (SPD)
adresa	S. B. Frencelowa 1; 02977 Wojerecy
webstrona	hoyerswerda.de
Połoženje Wojerec w Sakskej
	Karta
	wikidata: Wojerecy (Q14904)

51.43333333333314.25

Koordinaty: 51° 26′ S, 14° 15′ W

Wojerecy (delnjoserbsce Wórjejce, němsce Hoyerswerda, we wobchadnej rěči Hoywoj abo Hoywoy) su wulke wokrjesne město na sewjeru sakskeho wokrjesa Budyšin a po wobydlerstwje třeće najwjetše město Hornjeje Łužicy. Leža při Čornym Halštrowje na južnej kromje Łužiskeje jězoriny a su hospodarski centrum srjedźneje Łužicy.

Město słuša do připóznateho sydlenskeho ruma Serbow w Sakskej.

Stawizny

Sydlišćo na tutym městnje wobsteješe prawdźepodobnje wot 12. lětstotka. We wopismje Mišnjanskeho biskopstwa z lěta 1225 naspomni so cyrkej we Wojerecach. W lěće 1423 dóstachu Wojerecy měšćanske prawa, wostachu pak hač do 1950tych lět małe krajne město bjez nadregionalneho wuznama. Hakle ze zahajenjom wudobywanja brunicy w srjedźnej Łužicy bu město po planje wutwarjene a přirosće wot někak 10.000 wobydlerjow w lěće 1956 na wjace hač 71.000 w lěće 1981. Po přewróće a kóncu brunicy zhubichu Wojerecy swoju centralnu rólu we Łužiskim brunicowych rewěrje a ličba wobydlerstwa so w jenož 25 lětach zaso połojcowaše.

Měšćanske dźěle

K Wojerecam słušeja nimo stareho a noweho města slědowace měšćanske dźěle:^[2]

Brětnja-Michałki (Bröthen/Michalken), 1.389 wobydlerstwo
Čorny Chołmc (Schwarzkollm), 850 wob.
Ćisk (Zeißig), 939 wob.
Hórnikecy (Knappenrode), 722 wob.
Němcy (Dörgenhausen), 697 wob.

Politika

Město słuša k sakskemu wólbnemu wokrjesej 55 (Budyšin 4) a k zwjazkowemu wólbnemu wokrjesej 156 (Budyšin I).

Partnerske města

Wobchad

Wojerecy leža při křižowanišću zwjazkoweju dróhow B 96 (do Budyšina a Złeho Komorowa) a B 97 (do Drježdźan a Choćebuza). Nimo toho wjedźe tež železniska čara Lipsk–Falkenberg–Zhorjelc přez město. We wosobowym wobchadźe wobstejitej zwiskaj do Lipska (ze S-Bahnu) a Zhorjelca (přez liniju OE 64, tak mjenowany shuttle jězorina-Nysa).

Wot 1989 do 1994 wobsteješe w měsće wobchadny zawod Trolleybus Wojerecy.

Literatura

Manfred Laduš: Ze serbskeje wsy na kupach městačko nastało. SN, 25. meje 2018 [předźenak], str. 3

Žórła

↑ Aktualne ličby wobydlerstwa po gmejnach 2023; Statistiski krajny zarjad Sakskeje
↑ ličby wobydlerstwa wot 9. meje 2011; žórło: Wuslědki censusa 2011 za Wojerecy

Wotkazy

Commons: Wojerecy – Zběrka wobrazow, widejow a awdiodatajow

Webstrony města Wojerec (němsce)
Wojerecy w Digitalnym stawizniskim zapisu městnow Sakskeje (němsce)

Města a gmejny w Budyskim wokrjesu

[Metadaty_wobydlerstwo_DE-SN-1] Aktualne ličby wobydlerstwa po gmejnach 2023; Statistiski krajny zarjad Sakskeje

[2] čby wobydlerstwa wot 9. meje 2011; žórło: Wuslědki censusa 2011 za Wojerecy

[1]

[2]