Wikipedia:نؤمي بؤن
ویکیپدیا مئن، نؤمی بؤن یک جور ملاکه کی دچینواچینگرؤن تینن ای ملاکه کاراگیرن کی بینن یکته مأمسک (موضوع) لازمه ؤ تینه کی خوشئبه یکته ولگ ؤ وانیویس بدأره یا نأ؟
ویکیپدیا مئنˇ اطلاعات خأ ویکیپدیا:ثابت‌گودنی ببون؛ أگه هیچ سومی سربس نشأنه یاتن راجه به او مأسمک، پس او مأسمک نخأ خوشئبه ولگ بدأره. «نؤمی بؤن»ˇ جی اینˇ وأسی ویکیپدیا مئن استفاده بنه تا هیتؤ کتره‌یی یکته مأسمک ویکیپدیا مئن نأ. وانیویسؤن ؤ لیستؤنˇ مأسمک خأ نؤمی یا قابلˇ توجه ببون. اینکه یکچی نؤمی ایسه خالی اینˇ سر مألوم نبنه کی شهرت دأنه یا اهمیت دأنه، بسچی گه ایشؤن کومک کؤنه تا یکته مأسمک، ولگ دأشتن ئبه قبول ببون.
أگه یکته مأسمک، نؤمی بؤنˇ ملاکˇ همره جور ببون ؤ «ویکیپدیا چی نیه» استثناؤنˇ جی‌م نبون، تینه ولگ بدأره.
نؤمی بؤنˇ معیارؤنه دأشتن تضمین نکؤنه کی او مأسمک حتمن خأ یکته سیوا ولگ خوشئبه بدأره. کارگیرؤن (کاربرؤن) شاید أگه صلاح بدئن یک یا چن ته ولگه کسؤنˇ همره تویم بکونن ؤ یکته وانیویس اوشؤنˇ جی بیرین بأرن.
نؤمی بؤنˇ رانمایی‌ئن خالی اینه أمره گونه کی یکته مأسمک (موضوع) چنی ولگ (وانیویس) دأشتنˇ وأسی مؤناسب ایسه. ای رانمایی‌ئن منه اینه تعیین بکونه کی وانیویسˇ مئن چی خأ بنویشته ببون. أگه خأنین ویکیپدیا سیاستؤنه راجه به وانیویسؤنˇ محتوا بدؤنین، پنج ته پاکيۊنهٰ بخؤنین.
نؤمی بؤن، هرماله معیارؤن
[دچينواچين]أگه یکته مأسمک کی معتبر ؤ موستقل سربسؤنˇ مئن (سربسؤنی گه کسؤنˇ جی سیوا ایسن) ایشؤنˇ جی بقایده گب بزئه ببؤ، فرض اینه کی شأنه اون‌ئبه یکته ولگ یا لیست چاگودن.
- «بقایده گب بزئه بؤن» یعنی اینکه سربس خأ مستقیم ؤ مفصل راجه به مأسمک گب بزنه، اوجور کی اطلاعاتهیتن ئبه لازم نبون دسˇاول تحقیق ببون. «بقایده گب زئن»، خالی نؤم بردنˇجی ویشتره. البته لازم نیه سربسˇ مئن اصلˇ مأسمک، هو مأسمک ببون.
- «معتبر» یعنی خأ سربسؤنˇ تحریریه مشخص ببون. ای سربسؤن تینن چاپ ببؤ ببون یا هرجورˇدیگه کی رسانهٰ‌نˇ مئن ؤ هر زوانˇ همره وأیته‌بون (مؤنتشر ببؤبون).
- سربسؤنی گه «نؤمی بؤن»ئبه کارایته بنن خأ دسˇدو ببون چون دسˇدو سربسؤن،نؤمی بؤن ئبه بئترین مدرک ایسن. هرچی معتبر سربسؤن ویشتر ببون، او مأسمکˇ نؤمی بؤن راحتتر ثابت بنه. نؤمی بؤنˇ مئن، چنته اثر کی یک نفرˇ شی ببون، یکته سربس حساب بنه.
- «موستقل» یعنی نشأنه یکته محتوا جی سربس معرفی گودن کی او سربسه کسی چاگوده کی او مأسمکˇ همره ربط دأنه. مثلن خودˇ جی تعریف گودن، تبلیغات، خووأگیرؤنه (خودمنتشرکرده) مطلب یا خودˇ مأسمکˇ وبلاگ یا وبسایت، خوزندگینامهٰ‌ن ؤ مطبوعاتی اعلامیهٰ‌ن، موستقل نین.
- «فرض اینه» یعنی وختی معتبر سربسؤنˇ مئن یک چی جی گب بزئه ببؤ، أمره رسؤنئنه به فرض اما هنده تضمین نکؤنه کی مأسمک، ویکیپدیا وأسی موناسبه. شاید کارگیرؤن اجماع بکونن کی مأسمک ای ملاکه دأنه اما لازم نیه یکته وانیویس بدأره. مثلن امکان دأنه او مأسمکˇ وانیویس، «ویکیپدیا چی نیه»ٰ نقض بکونه.
- اینکه یکته وانیویس باخی ویکیپدیاؤنˇ مئن دره، نؤمی بؤنه ثابت نکؤنه ؤ وانیویس حتمن خأ جؤری شرایطه بدأره.
وختی یکته مأسمک اجماعˇ جی ای معیاره بدأره، پس خأ اینه توجه گودن ؤ وانیویس دأشتنˇ معیارؤنه دأنه.
أگه یکته مأسمک نؤمی نبون چی خأ گودن؟
[دچينواچين]وختی یکته وانیویسˇ تیتر، نؤمی بؤنˇ ملاکˇ همره جور نبون، یا خأ اونه حذفأگودن یا اینکه اونه یکته دئه وانیویسˇ همره تویم گودن. وختی یکته وانیویسˇ نؤمی بؤن رؤشن نیه،اول خأ اونˇ سر {{نؤمی}} تگه زئن تا باخی کارگیرؤن (کاربرؤن) واخؤ ببون کی ای وانیویس ای نقصه دأنه.
تویم گودن
[دچينواچين]گاگلف پیش هنه کی یکته مأسمک ئبه چن ته سربس هنأ کی موستقل نی ایسن اما ای سربسؤن خالی نیمیزگره او مأسمکه اشاره کؤنن، جوری که او اطلاعاتی گه او سربسؤنˇ مئن راجه به مأسمک بمأ هنی کمه کی نشأنه اوشؤنˇ جی یکته وانیویس چاگودن یا نیرزنه کی وانیویس چاگودن. (مثلن اطلاعاتی گه راجه به یکته مرضˇ دوا ؤ درمان یک جا بمأ، لازم ندأنه یکته سیوا وانیویس بدأره.) ای جور موقهٰ‌ن اطلاعاته حذفأگودنˇ جا، بئتره بشون اصلˇ وانیویسˇ مئن (أمی مثالˇ مئن، بشون او وانیویسˇ مئن کی راجه به مرض ایسه). أگه اصلˇ وانیویسی ننأ، بئتره یکته پأچˇ وانیویس چاگوده ببون.
حذف گودن
[دچينواچين]وختی یکته مأسمک ئبه چن جور سربس ننأ، پس دئه نشأنه اون‌ئبه یکته بقایده وانیویس نویشتن. ای وانیویسؤن خأ {{حذف}} تگˇ همره، حذف ئبه نامزد ببون.