Walldorf

Walldorf
Localización
	49°18′N 8°39′L / 49.3, 8.65
Estado	Alemaña
Estado federado	Baden-Württemberg
Rexión administrativa	Rexión de Karlsruhe
Distrito rural	Distrito de Rin-Neckar
Poboación
Poboación	15.995 (2023) (803,37 hab./km²)
Xeografía
Superficie	19,91 km²
Altitude	110 m
Comparte fronteira con	St. Leon-Rot ; Wiesloch
Organización política
Membro de	Aliança Climática (pt) (2017–); Kommunale Informationsverarbeitung Baden-Franken (en) (–2018); Zweckverband 4IT (en) (2018–)
Identificador descritivo
Código postal	69190
Fuso horario	UTC+01:00, horario estándar; UTC+02:00, horario de verán
Prefixo telefónico	06227
Clave de rexión en Alemaña	082260095095
Número de municipio alemán	08226095
Outro
Irmandado con	Seaside (pt) ; Kırklareli (pt)
Páxina web	walldorf.de

Walldorf e unha cidade alemá situada a 10 km ao sur de Heidelberg, no distrito de Rhein-Neckar, no estado federal de Baden-Württemberg. Nela mestúranse as súas vellas rúas co sector máis moderno, sede de numerosas empresas de alta tecnoloxía.

Historia e características

Walldorf é probabelmente mellor coñecida hoxe en día xa que na cidade atópase a sede da maior compañía de software de Europa, a SAP, mais tamén é o lugar de nacemento do millonario John Jacob Astor, que no momento da súa morte era o home máis rico dos Estados Unidos. OS descendentes da familia Astor perpetuaron a versión americanizada da vila: Waldorf, nos nomes dos famosos hoteis Waldorf-Astoria e da ensalada Waldorf. É tamén orixe do nome Pedagoxía Waldorf, sistema educativo orixinado nas concepcións do filósofo e educador Rudolf Steiner.

A cidade tamén está nomeada, aínda que non co seu nome actual, na novela de John le Carré Amigos absolutos ("Absolute Friends"), gran parte da cal está ambientada en Heidelberg.

Walldorf tamén foi anfitrión do Mundial de Fútbol de 2006 xa que brindou hospedaxe á selección de Costa Rica do 9 ao 21 de xuño.

Xeografía

A cidade máis próxima, ao leste da cidade, é Wiesloch. Ambas cidades están fortemente ligadas economicamente. Outro municipios adxacentes son: Sandhausen, Leimen, Nußloch, St. Leon-Rot e Reilingen. O nome da estación de tren é Wiesloch-Walldorf, e está localizada entre as dúas cidades.

Historia

O asentamento foi nomeado por primeira vez en 770 como Waltorf. O Palatinado do Rin recibiu á cidade como feudo Imperial en 1230. Posteriormente sufriu moito durante a guerra dos Trinta Anos e foi completamente destruída en 1689. A zona foi asentada de novo por refuxiado relixiosos, entre eles os antepasados de John Jacob Astor, valdenses do Piemonte. En 1843 viu a construción do Rheintalbahn (liña férrea alemá), o que supuxo un gran pulo económico á zona. En 1901 o Gran Duque Federico I de Baden concedeu privilexios a Walldorf. Despois da segunda guerra mundial a creación da Heidelberger Druckmaschinen e da SAP convertérona nunha das cidades máis prósperas da Alemaña.

Cidades irmandadas

Astoria, Oregón, Estados Unidos, dende 1963.
Kırklareli, Turquía, dende 1970.
Saint-Max, Francia, dende 1985.
Waldorf, Maryland, Estados Unidos, dende 2002.
Freeport, Nova York, Estados Unidos, dende 2003.