Somalo
| Somalo † | |
|---|---|
| صومالي en Árabe | |
 |  |
| Ámbito: |  Fideicomiso de Somalia. |
| Fracción: | 100 céntimos (centesimi). |
| Moedas: | 1, 5, 10 e 50 cents. 1 somalo. |
| Billetes: | 1, 5, 10 20 e 100 somali. |
| Emisor: | Cassa per la circolazione monetaria della Somalia. |
O somalo (plural: somali) foi unha unidade monetaria establecida polo Fideicomiso das Nacións Unidas en Somalia, baixo a administración fiduciaria italiana nese territorio, a partir de 1950. Dividíase en 100 céntimos (centesimi).[1]
En 1962 foi substituído polo xilin somalí.[1]
Historia
[editar | editar a fonte]Finalizada a segunda guerra mundial, as Nacións Unidas puxeron en novembro de 1949 o territorio que anetriormente fora a Somalia Italiana baixo a administración dun fideicomiso italiano, e o 27 de xaneiro de 1950 o Estado italiano recibiu a súa administración financeira.[2]
Así as cousas, determinouse emitir moeda para a súa circulación neste territorio. Logo de rexeitar a implantación da lira italiana ou unha moeda vinculada a ela, estableceuse unha unidade nova, denominada somalo.[2]
A Orde Nº 14 do 16 de maio de 1950 creaba esta nova unidade co valor de 0,124414 gramos de ouro fino, o que o facía equivalente ao anterior xilin da África Oriental.[2]
Os deseños das moedas e dos billetes emitidos establecéronse nas Ordes Nº 15, do 18 de maio, e Nº 44, do 22 de xullo de 1950.[2]
Logo da unificación dos territorios ata entón controlados por Italia e o Reino Unido, e a conseguinte independencia de Somalia, a antiga Caixa para a Circulación Monetaria en Somalia (Cassa per la Circolazione Monetaria della Somalia) —que actuaba como entidade emisora—, transformouse no Banco Nacional de Somalia, e o somalo seguiu en uso durante un tempo na parte do novo estado antes controlada por Italia. Finalmente, o 15 de decembro de 1962 comezou o cambio cara á nova moeda nacional, o xilin somalí, e a partir do 31 de decembro de 1963 o somalo deixou de ser un medio válido de pagamento.[3]
Moedas
[editar | editar a fonte]Todas as moedas amosan a data de 1950, foron cuñadas na Zecca dello Stato, en Roma, e están deseñadas e gravadas polo artista Giuseppe Romagnoli.
| Imaxe | Datos | Tiraxe | Anverso | Reverso | Aliaxe | ||
|---|---|---|---|---|---|---|---|
| 1 cent. [4] |
|
|
20 mm 3 g |
4.000.000 | Cabeza de elefante. SOMALIA |
Valor facial. ROMA e data cristiá en italiano. ROMA e data musulmá en árabe. |
Latón (Cu 95%, Zn 5%) |
| 5 cent. [5] |
|
|
25,1 mm 5,86 g |
6.800.000 | |||
| 10 cent. [6] |
|
|
30 mm 10 g |
7.400.000 | |||
| 50 cent. [7] |
|
|
21,2 mm 3,8 g |
1.800.000 | Leopardo. SOMALIA |
Billón (24% Ag; 50% Cu; 10% Zn; 10% Ni). | |
| 1 somalo [8] |
|
|
26,7 mm 7,6 g |
11.480.000 | |||
Billetes
[editar | editar a fonte]En 1950 a Caixa para a Circulación Monetaria da Somalia emitiu unha serie de billetes cos valores faciais de 1, 5, 10, 20 e 100 somali. Todos estes billetes foron impresos en Roma, no Istituto Poligrafico dello Stato.[2]
O billete dun somalo amosa a particularidade de que no seu anverso expresa o valor dun xeito erróneo, en plural ("somali") no canto do singular ("somalo"), que si que se utiliza no reverso. Quizá por ese motivo, e tamén pola coincidencia en valor coa moeda dun somalo, finalmente este billete non chegou a pórse en circulación e foron moi poucos os exemplares emitidos, para fins oficiais.[2]
En canto ao billete de 5 somali, logo da emisión da primeira serie en 1950 xurdiu a necesidade dunha segunda serie, dado que ao ser o máis utilizado a súa deterioración era superior. O Decreto Nº 7 do 22 de maio de 1951 autorizou esta segunda serie, que retoma a cor, os deseños e o tamaño do anterior billete dun somalo, ao non ser este posto en circulación.[2]
| Valore | Imaxes | Dimensións | Cores | Anverso | Reverso | |
|---|---|---|---|---|---|---|
| 1 somalo [9] |
|
|
126 x 73 mm | Marrón Beixe |
Cabeza de leopardo. | Ornamentos clásicos. |
| 5 somali (1950) |
|
|
158 x 98 mm | Azul Verde |
Ornamentos somalís. | Ornamentos romanos. |
| 5 somali (1951) |
|
|
126 x 73 mm | Marrón Gris |
Cabeza de leopardo. | Ornamentos clásicos. |
| 10 somali [12] |
|
|
158 x 98 mm | Verde | Ornamentos somalís. | Ornamentos romanos |
| 20 somali [13] |
|
|
158 x 98 mm | Marrón Beixe |
Ornamentos somalís. | Ornamentos romanos |
| 100 somali [14] |
|
|
165 x 100 mm | Marrón Beixe |
Cabeza de león. | Palacio de Goberno en Mogadixo. |
Notas
[editar | editar a fonte]- ↑ 1,0 1,1 "Somalo". En Münzen Lexikon (Reppa.de).
- ↑ 2,0 2,1 2,2 2,3 2,4 2,5 2,6 Symes, P. "The Somalo and the Cassa per la Circolazione Monetaria della Somalia". En The Banknotes of Somalia – Part 1.
- ↑ Symes, P. "The National Bank of Somalia". En The Banknotes of Somalia – Part 2.
- ↑ "1 Centesimo". Numista.com
- ↑ "5 Centesimi". Numista.com
- ↑ "10 Centesimi". Numista.com
- ↑ "50 Centesimi". Numista.com
- ↑ "1 Somalo". Numista.com
- ↑ "Italian Somaliland: 1 somalo". Banknote.ws
- ↑ "Italian Somaliland: 5 somali (1950)". Banknote.ws
- ↑ "Italian Somaliland: 5 somali (1951)". Banknote.ws
- ↑ "Italian Somaliland: 10 somali". Banknote.ws
- ↑ "Italian Somaliland: 20 somali". Banknote.ws
- ↑ "Italian Somaliland: 100 somali". Banknote.ws