Robert Kalina
Biografía | |
---|---|
Nacemento | 29 de xuño de 1955 ![]() Viena, Austria ![]() |
Datos persoais | |
País de nacionalidade | Austria ![]() |
Actividade | |
Ocupación | deseñador , deseñador gráfico ![]() |
Premios |
Robert Kalina, nado en Viena o 29 de xuño de 1955, é un deseñador gráfico austríaco, vinculado ao Banco Nacional de Austria.
Traxectoria
[editar | editar a fonte]Robert Kalina graduouse en 1975 no Instituto Superior de Deseño Gráfico e Investigación e só un ano despois pasou a formar parte do cadro de persoal do banco nacional do seu país, onde comezou a súa carreira de deseñador de billetes cos seus proxectos para as emisións en xilins do seu país en 1982. A partir dese ano foi o autor dos deseños de todos os billetes emitidos por Austria ata 2002.[1]
Como artista autor da proposta presentada pol Banco Nacional de Austria, resultou gañador en 1996 da competición para elixir o deseño da primeira serie dos billetes de euro que empezarían a circular o 1 de xaneiro de 2002. A elección do seu proxecto entre os 44 participantes produciuse no consello do Instituto Monetario Europeo do 3 de decembro de 1996.[2] A súa proposta rompeu coa tradición de representar persoeiros de relevancia histórica e aplicou motivos vinculados á historia da construción europea a través de pontes, portas e fiestras en diferentes estilos arquitectónicos característicos de todo o continente, como metáfora do espírito de apertura, unión e cooperación da Unión Europea.[3][4]
En 2013 realizouse un redeseño destes billetes, para o BCE escolleu un deseñador independente, o alemán Reinhold Gerstetter, que non variou a esencia dos deseños iniciais de Kalina.[5][6]
A Kalina débenselle tamén os deseños doutros billetes de diversos países, como os acerbaixanos con valor facial en manats, a serie de Libia de 2010 con valor en libras, e o billete de 200 marcos convertibles da serie de 2002 de Bosnia e Hercegovina, cunha ponte no reverso que lembra os da serie de euros do mesmo ano.[7]
En 2011, Kalina xubilouse como empregado do Banco Nacional de Austria.[8]
Premios
[editar | editar a fonte]- Cruz de Honra das Ciencias e as Artes de Austria (1ª clase).
- 2011: Medalla de Ouro polos Servizos Prestados á República de Austria.
- 2017: Premio do título de Berufstitels Professor.[9]
Galería de deseños de Robert Kalina
[editar | editar a fonte]Billetes en xilins austríacos
[editar | editar a fonte]Billetes de Acerbaixan en manats
[editar | editar a fonte]-
Billete de 5 manats de 2005.
-
Billete de 10 manats de 2005.
-
Billete de 20 manats de 2005.
-
Billete de 100 manat de 2005
Billetes en euros
[editar | editar a fonte]-
Billete de 10 euros de 2002.
-
Billete de 20 euros de 2002.
-
Billete de 50 euros de 2002.
-
Billete de 100 euros de 2002.
-
Billete de 200 euros de 2002.
-
Billete de 500 euros de 2002.
Notas
[editar | editar a fonte]- ↑ "Robert Kalina – Schöpfer der Euro Banknoten". En www.geldschein.at.
- ↑ "Concurso de diseño de la primera serie de billetes en euros Arquivado 15 de xaneiro de 2019 en Wayback Machine.". Banco Central Europeo.
- ↑ ECB (2009). Páxinas 82-83.
- ↑ "¿Cómo se pensaron y diseñaron los billetes del euro?". En Nuevatribuna.es. 7 de xullo de 2017
- ↑ Gerstetter, Reinhold. "Trajes nuevos para el euro Arquivado 10 de agosto de 2018 en Wayback Machine.". En Billetería. Nº 10. Banco de España. Páxina 21.
- ↑ "Reinhold Gerstetter – Designer der zweiten Euro Serie (Europa-Serie)". En www.geldschein.at.
- ↑ "Azerbaijan New Manat Arquivado 15 de xaneiro de 2019 en Wayback Machine.". En Oanda.com.
- ↑ ""trend": Euro-Designer Robert Kalina geht mit 55 in Pension". En APA-OTS. 30 de xaneiro de 2011.
- ↑ "OeNB-Grafiker Robert Kalina erhielt Professorentitel". En APA-OTS. 5 de maio de 2017.
Véxase tamén
[editar | editar a fonte]Outros artigos
[editar | editar a fonte]![]() |
Wikimedia Commons ten máis contidos multimedia na categoría: Robert Kalina ![]() |
Bibliografía
[editar | editar a fonte]- ECB. Euro Banknote Design Exhibition. European Central Bank. 3ª ed. 2009. ISBN 978-92-899-0381-3