Río Serpis

Río Serpis

Tipo	río
Inicio
División administrativa	provincia de Valencia, España e Provincia de Alacant, España
Final
Localización	Mar Mediterráneo
38°42′08″N 0°28′13″O
Afluentes	Río Frainós, Río Vernissa
Características
Dimensións	75 () km
Superficie da cunca hidrográfica	752,8 km²

O Serpis é un río do País Valenciano de 74,5 km de curso, que desemboca no mar Mediterráneo.

Percorrido

O río Serpis fórmase nas abas da serra de Mariola, no Parc natural del Carrascal de la Font Roja, na provincia de Alacant, pola unión dos barrancos de Polop e Troncal, e nas abas de La Carrasqueta, aínda que popularmente se recoñece o nacemento do Serpis na unión do río Barxell e o Molinar. Durante o seu curso alto é denominado tamén Río de Alcoi. Atravesa as comarcas de Alcoià, Comtat e Safor. A partir de L'Orxa, o seu leito estreita e discorre por unha angosta garganta entre a serra de Agullent e o macizo de La Safor. Este tramo encaixado é chamado o Barranc de l'Infern (barranco do inferno). Atravesa a cidade de Gandia, e desemboca no Mediterráneo xunto ao Grau ou porto de Gandia.

Conca

A área da conca do Serpis é de 752,8 km².

Afluentes

• Pola esquerda:
  • Río Barxell ou Riquer.
  • Río de Agres.
  • Río Vernissa.
• Pola dereita:
  • Río de Penàguila.

Réxime fluvial

É de tipo mediterráneo, con máximo caudal en xaneiro e mínimo en agosto. Ten fortes cheas en outono como consecuencia de chuvias torrenciais. Durante a chea do 1 de outubro de 1986 chegou a levar 770 m³/s en Beniarrés. Na data de 3 de novembro de 1987 desbordouse en Gandia a causa da precipitación de 720 mm en 24 horas. O caudal medio ao seu paso por L'Orxa é de 2,5 m³/s.

Poboacións que atravesa

Alcoi, Cocentaina, L'Alqueria d'Asnar, Muro de Alcoy, Beniarrés, L'Orxa, Vilallonga, La Font d'en Carròs, Potries, Beniarjó, Gandia.

Encoros

• Encoro de Beniarrés, con 30 hm³ de capacidade para uso agrícola.
• Presa de La Font d'en Carròs de recente construción, con 71 hm³.

Protección ambiental

O Serpis é un río que recibe os residuos de importantes zonas industriais, como Alcoi, polo que as súas augas non son de boa calidade en certos tramos, porén as marismas de Xeresa-Xeraco teñen a declaración de parque natural por ser zona de refuxio de aves.

Véxase tamén

Ligazóns externas

• O río Serpis na Confederación Hidrográfica do Xúcar. (en castelán)