Quiet Riot
| Quiet Riot | |
|---|---|
 | |
| Orixe | Os Ánxeles, California,  |
| Período | 1973 - 1989 1990 - 2003 2004 - 2007 2010 - actualidade |
| Xénero(s) | heavy metal, glam metal, hard rock |
| Selo(s) discográfico(s) | Pasha Records, Sony Music, Chavis |
| Membros | Frankie Banali Chuck Wright Alex Grossi Jizzy Pearl |
| Na rede | |
| http://www.officialquietriot.com/ | |
                 | |
Quiet Riot é unha banda estadounidense de heavy metal coñecida polos seus sinxelos "Metal Health" e "Cum on Feel the Noize". O grupo formárono en 1973 o guitarrista Randy Rhoads e o baixista Kelly Garni co nome orixinal Mach 1, que cambiarían primeiro por Little Women e finalmente por Quiet Riot en maio de 1975. Este nome estivo inspirado nunha conversa con Rick Parfitt, da banda británica Status Quo, na cal Parfitt dixo que lle gustaría chamar a un grupo "Quite Right", e o seu forte acento inglés fixo que soase como se dixese "Quiet Riot". A banda foi situada no número 100 da lista de VH1 dos "100 mellores artistas de hard rock".
A formación orixinal estaba composta por Rhoads e Garni xunto co vocalista Kevin DuBrow e o batería Drew Forsyth. A súa formación máis exitosa foi a conformada por DuBrow, o guitarrista Carlos Cavazo, o baixista Rudy Sarzo e o batería Frankie Banali, que en 1983 publicou o álbum Metal Health que os faría famosos, o cal é coñecido por ser o primeiro disco de heavy metal en chegar á cima da lista de álbums da Billboard. Tras varios cambios de compoñentes e breves separacións, Quiet Riot continuou gravando e xirando ata a morte de DuBrow por unha sobredose de cocaína en 2007. Banali resucitou a banda en 2010, e na actualidade esta composta por el mesmo na batería, o vocalista Jizzy Pearl, o baixista Chuck Wright e o guitarrista Alex Grossi.
Discografía
[editar | editar a fonte]- Quiet Riot - 1978 (CBS Sony)
- Quiet Riot II - 1978 (CBS Sony)
- Metal Health - 1983 (Pasha/Sony/Columbia)
- Condition Critical - 1984 (Pasha)
- QR III - 1986 (Pasha/CBS)
- QR - 1988 (Pasha/CBS)
- Terrified - 1993 (Moonstone Records)
- Down to the Bone - 1995 (Kamikaze Records)
- Alive and Well - 1999 (Cleopatra Records)
- Guilty Pleasures - 2001 (Bodyguard)
- Rehab - 2006 (Chavis Records)
- Quiet Riot 10 - 2014 (RSM Records)
