Muro de Berlín
| Muro de Berlín | |
|---|---|
 Fragmento preservado do Muro de Berlín | |
| Presentación | |
| Nome local | Berliner Mauer |
| Localización | Berlín, Alemaña |
| Dirección | Atravesaba a cidade de Berlín, desde a Porta de Brandenburgo até Potsdamer Platz |
| Coordenadas | 52°30′58″N 13°22′37″L / 52.51611, -13.37694 |
| Estrutura | Cemento, arame |
| Propietario | Administrado por varios entes |
| Uso(s) | Monumento e sitio histórico |
| Características | Estaba equipado con torres de vixilancia e sistemas de alarma. Ao contrario que outras fronteiras (incluída algunha zona de bosque entre a RFA e a RDA), non tiña sistemas de disparo automático |
| Declaración | Monumento histórico |
| Construción | |
| Inicio | 13 de agosto de 1961 |
| Data da construción | 1961 |
| Estimación de finalización | 1961 |
| Remate | 9 de novembro de 1989 (inicio da caída) |
| Remodelación | N/A |
| Visitantes | Millóns anualmente (turistas e visitantes a sitios preservados en Berlín) |
| Destruído | 1989-1990, oficialmente demolición completada en 1992. Consérvanse numerosos tramos, e mesmo algúns foron vendidos como 'souvenir'. |
| Dimensións | |
| Altura | Aproximadamente 3.6 metros |
| Lonxitude | Aproximadamente 155km |
| Número de plantas | N/A |
| Equipo | |
| Arquitecto(s) | N/A |
| Enxeñeiro civil | N/A |
| Inclúe un centro de documentación e memoriais como o Checkpoint Charlie e a Capela da Reconciliación | |
 | |
O Muro de Berlin, en alemán Die Mauer ou Die Berliner Mauer,[1] foi unha construción civil que supuxo un símbolo vivo da división física da Alemaña da posguerra en dúas entidades, a República Federal Alemá (RFA) e a República Democrática Alemá (RDA). Este muro, alén de dividir a cidade de Berlín ao medio, simbolizaba a división do mundo en dous bloques ou partes: o Bloque Occidental, constituído polos países capitalistas encabezados polos Estados Unidos de América, e o Bloque do Leste, ou Soviético, constituído polos países comunistas, que tiñan á súa fronte a Unión Soviética.[2]
Características
[editar | editar a fonte]Comezou a construírse na madrugada do 13 de agosto de 1961. Estaba formado por 66,5 km de valado metálico, 302 torres de observación, 127 redes metálicas electrificadas con arame, 255 pistas para feros cans de garda.[3]
Consecuencias
[editar | editar a fonte]A construción do muro marcou o inicio do illamento da parte occidental da cidade de Berlín, illada territorialmente do resto de Alemaña Occidental e provocou unha crise na que os EUA crearon unha ponte aérea para o fornecemento da cidade, por decisión do presidente John F. Kennedy.[4]
Vítimas mortais
[editar | editar a fonte]Este muro provocou a morte a 80 persoas identificadas (Chris Gueffroy foi a derradeira), 112 ficaron feridas e millares detidas nas diversas tentativas de o atravesar. Tamén morreron nove gardas fronteirizos da RDA, por disparos de fuxitivos ou de gardas da RFA.[5] Un deles, en maio de 1962, foi o garda alemán-oriental Manfred Weiss, tras recibir catro tiros nas costas. Tres meses despois, o mozo Peter Fechter foi acadado cun tiro na cadeira, logo de ter superado os primeiros obstáculos; estando en "terra de ninguén", nun clima de tensión crecente, non foi socorrido por xente de ningún dos lados da fronteira, o que provocou grande indignación internacional.[6] Ese feito tivo moita repercusión na prensa española, que o usou como propaganda anticomunista. Segundo a lenda, "Libre", cantada por Nino Bravo, estaba inspirada nese suceso, pero un dos autores dixo que en realidade se refería á represión na ditadura de Franco.[7]
Caída do Muro
[editar | editar a fonte]
O Muro de Berlín caeu o 9 de novembro de 1989, no que foi o acto inicial da reunificación das dúas Alemañas, que formaron finalmente a República Alemá e rematando tamén a división do mundo en dous bloques. Moitos sinalan este momento tamén como a fin da Guerra fría.
Notas
[editar | editar a fonte]- ↑ "Das Wichtigste zur Berliner Mauer". www.rbb24.de (en alemán). 2024-11-05. Consultado o 2024-11-10.
- ↑ Na RDA foi chamado Antifaschistischer Schutzwall (Barreira antifascista) e en medios occidentais "muro da vergoña".
- ↑ Bildung, Bundeszentrale für politische. "Mauerfall". bpb.de (en alemán). Consultado o 2024-11-10.
- ↑ "Abastecendo uma cidade: ponte aérea e bloqueio de Berlim durante a Guerra Fria". greelane.com (en portugués). 2018-02-15. Consultado o 2024-11-10.
- ↑ pulman (2010-07-23). "Жертвы стены - счет с обеих строн.". Живой журнал Андрея Гордиенко (en ruso). Consultado o 2024-11-10.
- ↑ Internet, Unidad Editorial. "¿Por qué nadie ayudó a Peter Fechter?". www.elmundo.es (en castelán). Consultado o 2024-11-10.
- ↑ "Las palabras de Nino Bravo en RNE y la historia de "Libre"". RTVE (en castelán). 2022-08-03. Consultado o 2024-11-10.
Véxase tamén
[editar | editar a fonte] |
Wikimedia Commons ten máis contidos multimedia na categoría: Muro de Berlín  |
Outros artigos
[editar | editar a fonte]Ligazóns externas
[editar | editar a fonte]- Geheimsache Mauer - die Geschichte einer deutschen Grenze | 30 Jahre Mauerfall : Documental de Christoph Weinert, de Canal ARTE (en alemán)
- La construcción del Muro de Berlín (Versión en castelán para RTVE do documental de Christoph Weinert, en youtube.com)
|
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |