Mini

Mini
	; Mini na XV Asemblea Nacional do BNG no 2016.
Biografía
Nacemento	18 de xuño de 1951 (73 anos); San Martiño de Pacios, España
Deputado do Parlamento de Galicia
	2016 – 2024
Alcalde de Boimorto
	2015 – 2015 (moción de censura) ; ← Ana Ledo Fernández – Gonzalo Concheiro →
Datos persoais
Outros nomes	Mini
Actividade
Ocupación	músico, musicólogo, político, mestre
Partido político	Bloque Nacionalista Galego
Familia
Fillos	Navia Rivas
Premios
	(2012) Premio Galiza Mártir ;

Para outras páxinas con títulos homónimos véxase: Mini (homónimos).

Xosé Luís Rivas Cruz, alcumado Mini, nado en San Martiño de Pacios (Begonte) o 18 de xuño de 1951, é un profesor, cantautor, compositor, musicólogo e político galego.

Traxectoria

"Mini" (esq.) e "Mero" no acto en lembranza de Avelino Pousa Antelo en Teo en 2013.

Impartiu clases nunha escola unitaria no concello de Boimorto, e máis tarde sería profesor no CPI Armando Cotarelo Valledor. Mentres, desenvolveu un amplo labor cultural dentro da música, na que se segue a manter de forma activa.

Formou parte da banda Fuxan os Ventos dende a súa fundación até 1982 para despois, en 1984, xunto co seu compañeiro Baldomero Iglesias Dobarrio "Mero", formar A Quenlla, grupo no que continúa na actualidade. Nese mesmo ano fixo a música para a curtametraxe Mamasunción.

No ano 2007 cedeu, canda o seu compañeiro "Mero", as recollas de cantos, bailes, lendas e refráns recompiladas ao longo da súa traxectoria, ao Museo do Pobo Galego.^[1] Todo este repertorio foi dixitalizado e posto a disposición dos interesados no patrimonio oral galego.^[2]

Nas eleccións municipais de 2015 presentouse como cabeza de lista do BNG-Asembleas Abertas e foi elixido alcalde de Boimorto co apoio do PSdeG.^[3] Dous meses despois Gonzalo Concheiro, candidato do PP, pasa a ser novo alcalde de Boimorto tras prosperar unha moción de censura do PP apoiada por un concelleiro que fora elixido nas listas do PSdeG-PSOE pero que pasara a ser non adscrito no mes de xullo.

Tras as eleccións ao Parlamento de Galicia 2016 foi elixido deputado polo BNG para a 10.ª lexislatura, sendo reelixido nas eleccións de 2020.

Vida persoal

É pai da tamén cantante e política Navia Rivas.

Predecesor:
Ana Ledo

Alcalde de Boimorto
2015

Sucesor:
Gonzalo Concheiro

Obra musical

Destaca como compositor e adaptador de cancións galegas e leva a cabo un intenso labor de recompilación do folclore de Galiza. Así, ten editados trece álbums e ten arranxado as músicas para os seguintes vídeos:

Historia da lingua
Os señores da palabra
70 anos de nacionalismo
Memoria de rosas
Longa noite de pedra
A carón dá escola
Cantares de cego I
Contos de lanuxes pra nenos
Somos lenda viva

Obra escrita

Ensaio

Boimorto: memoria dun silencio, 2007, Concello de Boimorto.

Obras colectivas

Contos de vellos para nenos, con Mero, 1995.
Somos lenda viva, con Mero, 1996, Citania de Publicacións.

Premios

En 2009, foi premiado xunto a Mero co Pedrón de Ouro pola divulgación da cultura oral de Galiza.^[4] En 2012 recibiron o Premio Galiza Mártir da Fundación Alexandre Bóveda.

Notas

↑ "Dispostas para cantare". Folque. 2017-10-17. Consultado o 2021-01-25.
↑ "Arquivo Dixital do Museo do Pobo Galego - Arquivo Dixital do Museo do Pobo Galego". apoi.museodopobo.gal. Consultado o 2021-01-25.
↑ Lombao, David (16 de xuño de 2015). "O grande reto dos artistas é materializar algún soño; agardo que a política nos sirva para iso". Praza.gal. Consultado o 18 de xuño de 2015.
↑ "Premiado co Pedrón de Ouro o labor de recollida e divulgación da cultura popular de Mini e Mero". La Voz de Galicia. 18 de abril de 2009. Consultado o 20 de maio de 2019.

Véxase tamén

Outros artigos

Ligazóns externas

Ficha de Mini en Galegos.info

[1] "Dispostas para cantare". Folque. 2017-10-17. Consultado o 2021-01-25.

[2] "Arquivo Dixital do Museo do Pobo Galego - Arquivo Dixital do Museo do Pobo Galego". apoi.museodopobo.gal. Consultado o 2021-01-25.

[3] Lombao, David (16 de xuño de 2015). "O grande reto dos artistas é materializar algún soño; agardo que a política nos sirva para iso". Praza.gal. Consultado o 18 de xuño de 2015.

[4] "Premiado co Pedrón de Ouro o labor de recollida e divulgación da cultura popular de Mini e Mero". La Voz de Galicia. 18 de abril de 2009. Consultado o 20 de maio de 2019.

[1]

[2]

[3]

[4]