Louis Antoine de Bougainville

Louis Antoine de Bougainville
	;
Nome orixinal	(fr) Louis-Antoine de Bougainville
Biografía
Nacemento	12 de novembro de 1729 ; París, Francia
Morte	31 de agosto de 1811 (81 anos); París, Francia
Lugar de sepultura	Panteón de París 48°50′46″N 2°20′46″L / 48.846198, 2.3461054; Cimetière du Calvaire (en)
110º President of the French Academy of Sciences (en) Academia francesa das ciencias
	1 de xaneiro de 1808 – 31 de decembro de 1808 ; ← Louis Bernard Guyton de Morveau (pt) – Jacques Tenon (pt) →
Membro do Senado Conservador
Actividade
Ocupación	explorador, navegante, oficial da armada, escritor de viaxes, político, escritor, viaxeiro polo mundo
Membro de	Royal Society ; Academia francesa das ciencias ; Académie de Marine (en)
Carreira militar
Rango militar	vice admiral (en)
Conflito	Guerra Franco-Indígena (pt) ; Guerra de Independencia dos Estados Unidos de América
Outro
Título	Conde
Fillos	Hyancinthe Yves Philippe Potentien Bougainville
Pai	Pierre-Yves de Bougainville
Irmáns	Jean-Pierre de Bougainville
Premios
	grande oficial da Lexión de Honra; Knight of the Royal and Military Order of Saint Louis (en) ; membro da Royal Society ;
	Sinatura
Descrito pola fonte	Biblioteca dixital BEIC; Obálky knih, ; Enciclopedia militar Sytin

Louis Antoine de Bougainville, conde de Bougainville, nado en París o 12 de novembro de 1729 e finado o 20 de agosto de 1811, foi un militar e navegante francés que fixo a primeira circunnavegación francesa e destacou pola súa descrición de Tahití.

Á súa memoria bautizouse a illa Bougainville no arquipélago das Salomón, e a planta buganvílea que descubriu en América do Sur.

Traxectoria

Primeiros anos

Era fillo dun notario e empezou a estudar leis. Aos vinte e tres anos publicou un tratado de cálculo integral como suplemento do tratado de l'Hôpital sobre o cálculo infinitesimal.

En 1753 entrou no exército e é destinado ao Canadá como axudante de campo do marqués de Montcalm. Participou en diferentes batallas ata que foi ferido e volveu a Francia co propósito de obter reforzos militares. Nunha soada discusión, o duque de Choiseul, que quería desentenderse do Canadá, díxolle «cando a casa quéimase, un non se ocupa dos cortellos». Bougainville respóndelle: «polo menos, señor, non se poderá dicir que vostede fala como un cabalo». Isto atraeu a atención de Madame de Pompadour de quen acabaría sendo o protexido, preséntao ao rei e noméano coronel. De volta ao Canadá participou na defensa do Quebec e foi dos oficiais que asinaron a rendición ante os ingleses.

Viaxe de circunnavegación

A *Boudeuse*, de Louis Antoine de Bougainville

Bougainville pasouse á mariña e presenta un proxecto de expedición no que se encarga dos gastos financeiros creando a Compañía de Saint-Malo. Bougainville encárgase da misión de entregar as illas Malvinas aos españois e quere aproveitar a viaxe para explorar terras colonizables no Pacífico. A expedición conta cun equipo científico formado polo astrónomo Véron e o naturalista Philibert Commerson.

En 1766 Bougainville parte de Brest con dous barcos: Boudese e L'Étoile. No Brasil, Commerson descobre a planta buganvílea que bautiza en honra ao capitán. Logo de facer escala nas Malvinas visita Tahití en abril de 1768 sen saber que meses antes fora descuberta polo inglés Samuel Wallis. En marzo de 1769 completa a primeira circunnavegación francesa volvendo a Saint-Malo perdendo tan só a sete homes dun total de douscentos. Entre a tripulación había tamén a primeira muller que deu a volta ao mundo. Era Jeanne Baré que se disfrazou de home como axudante do naturalista Commerson. Ninguén descubriu o engano ata que chegaron a Tahití e descubrírono os nativos.

O relato da súa viaxe, Voyage autour du monde, espertou un enorme interese polas súas descricións paradisíacas da Nova Citera, o xardín do Edén ou os Campos Elisios. Describe un pobo feliz e inocente sen corrupcións nin prexuízos que provocaron unha serie de pensamentos filosóficos e utópicos sobre a civilización. Denis Diderot escribe o Suplemento á viaxe de Bougainville onde fai unha revisión do bo salvaxe de Rousseau.

Ruta da viaxe

Brest, 5 de decembro de 1766
Malvinas, Río de Xaneiro, Montevideo
Archipel Dangereux (Tuamotu), 21 de marzo de 1768,
- Quatre Facardins, hoxe en día Vahitahi
- Lanciers, hoxe en día Akiaki
- La Harpe, hoxe en día Hao
- Illas Dous Grupos (Îles Deux Groupes), Hikueru, Reitoru, Haraiki, Anaa
Îles Boubon, hoxe en día illas da Sociedade
- Boudeuse, hoxe en día Mehetia, 2 de abril.
- Nouvelle Cythère, hoxe en día Tahití, 6 de abril
- Huahine, Raiatea, Tahaa, Bora Bora
Îles des Navigaters, hoxe en día illas Samoa, 3 de maio
- Manua, Tutuila, Upolu
l'Enfant Perdu, hoxe en día illas Hoorn en Wallis e Futuna
Archipel des Grandes Cyclades, Vanuatu
- Aurore (Maéwo), Pentecóte, îles des Lepreux (Aoba)
Illas Salomón
- Vella Lavella, Choiseul, Bougainville
Papúa Nova Guinea
- Archipel de la Louisiade, Nova Bretaña, Nova Irlanda
Xava, 28 de setembro de 1768
Saint-Malo, 16 de marzo de 1769

Barcos e tripulación

	Boudeuse	Étoile
Tipo de barco	Fragata	Urca
Desprazamento	550 toneladas	480 toneladas
Eslora	40 m	33,8 m
Tripulación	11 oficiais e 203 homes (mortos: 7) \|\| align="center" \|8 oficiais e 108 homes(1) (mortos: 2)
Comandante	Louis-Antoine de Bougainville (capitán de navío) \|\| align="center" \|F. Chesnard da Giraudais (capitán de fragata)
Lugartenente	Pierre-Nicolas Duclos-Guyot (capitán de fragata) \|\| align="center" \|J.L. Caro l'Ainé (tenente de navío)
Naturalista		Philibert Commerson (desembarcado na illa de Francia)
Cirurxián	L.C. Pórtea	F.Vivès (desembarcado na illa de Francia)
Astrónomo		C.F.P. Véron
Pasaxeiro	príncipe de Nassau-Siegen
(1) Cando se descobre que Jeanne Baré, axudante de Commerson, é unha muller trasládase á Boudeuse

Véxase tamén