José González Dopico

José González Dopico
Biografía
Nacemento	9 de xuño de 1944 ; Ferrol, España
Morte	17 de maio de 2007 (62 anos); Ferrol, España
Actividade
Ocupación	boxeador
Deporte	boxeo

José González Dopico, nado en Ferrol o 9 de xuño de 1944 e finado na mesma cidade o de 17 de maio de 2007, foi un boxeador galego.^[1]

Traxectoria

Dopico criouse no barrio de Esteiro e comezou a practicar o boxeo dirixido por Joaquín Alejos, que fora campión de España.^[2] Debutou como afeccionado en 1957 e proclamouse campión de Galicia de peso pluma derrotando a Amando Dopico. Debutou como profesional o 17 de agosto de 1963.^[2]^[1]

O 5 de setembro de 1965, xa en peso wélter, venceu en Carballo o canario Carmelo García "Gancho" nun combate polo campionato de España, que non obstante o propio "Gancho" lle arrebatou en decembro.^[2] Dous anos despois volveu loitar polo título, mais foi derrotado por Antonio Torres. Conseguiu o título de campión de España o 23 de xullo de 1968 ao vencer a Toni Ortiz no primeiro asalto.^[2] Revalidou o título en varias ocasións. En novembro de 1973 enfrontouse en París co francés Roger Menetrey polo campionato de Europa, que non logrou.^[1] Entre 1970 e 1973 estivo entre os dez primeiros da clasificación dos mellores pesos wélter do Consello Mundial de Boxeo.^[2]^[1]

Abandonou o boxeo en 1975 tras revalidar o campionato de España e pasou a traballar como bombeiro na súa cidade natal.^[2]

Notas

↑ ^1,0 ^1,1 ^1,2 ^1,3 P.A.L. (20 de maio de 2007). "Un boxeador diferente que desmitificó sus mayores éxitos". La Voz de Galicia (en castelán). Consultado o 10 de novembro de 2020.
↑ ^2,0 ^2,1 ^2,2 ^2,3 ^2,4 ^2,5 Barral (28 de marzo de 2020). "José González Dopico - Reseña biográfica publicada en mayo de 2015". Boxeo de Medianoche (en castelán). Consultado o 10 de novembro de 2020.

Véxase tamén

Ligazóns externas

José González Dopico en BoxStat Arquivado 16 de novembro de 2020 en Wayback Machine.
Homenaxe ao boxeador galego José González Dopico

[voz-1] 1,0 ^1,1 ^1,2 ^1,3 P.A.L. (20 de maio de 2007). "Un boxeador diferente que desmitificó sus mayores éxitos". La Voz de Galicia (en castelán). Consultado o 10 de novembro de 2020.

[media-2] 2,0 ^2,1 ^2,2 ^2,3 ^2,4 ^2,5 Barral (28 de marzo de 2020). "José González Dopico - Reseña biográfica publicada en mayo de 2015". Boxeo de Medianoche (en castelán). Consultado o 10 de novembro de 2020.

[1]

[2]