HC Kometa Brno
| HC Kometa Brno | |
|---|---|
 | |
| Fundación | 1953 |
| Cidade |  Brno, Moravia Meridional República Checa |
| Estadio | Kajot Arena (7.200 espectadores) |
| Liga | Extraliga Checa |
| Campionatos | 0 |
| Propietario(s) | Libor Zábranský |
| Adestrador | Vladimír Kýhos |
| Cores | Azul e branco |
| Na rede | |
| http://www.hc-kometa.cz/index.asp?cover=nezobrazit | |
  | |
O HC Kometa Brno é un equipo profesional de hóckey sobre xeo da cidade de Brno, República Checa. O club foi fundado en 1953 e actualmente compite na máxima categoría do hóckey sobre xeo checo, a Extraliga Checa. Xoga os seus partidos como local no Kajot Arena, un pavillón con capacidade para 7.200 espectadores. Con 11 campionatos checoslovacos é o segundo equipo máis laureado da competición por detrás do HC Dukla Jihlava (12 títulos), e as súas 3 IIHF European Champions Cups o converten no equipo checo máis laureado a nivel internacional.
Historia
[editar | editar a fonte]
O club foi fundado en 1953 como un equipo de hóckey sobre xeo do exército checoslovaco baixo o nome de Rudá hvězda Brno ("Estrela Vermella"), e xogou o seu primeiro partido fronte ao Motorlet Praha, gañando por 4 goles a 2. A meirande parte dos xogadores foron transferidos de dous equipos de Brno (TJ Spartak Brno Zbrojovka e TJ Spartak GZ Královo Pole[1]). Gañou o seu primeiro campionato checoslovaco en 1955, cando comezou a mellor etapa do club, que dominou a competición dende ese ano ata 1966, gañando todos os títulos disputados coa única excepción do ano 1959, cando se proclamou campión o Sokol Kladno.
En 1962 mudou o seu nome cara ZKL Brno (ZKL é a abreviación de Závody kuličkových ložisek)[2] e deixou de ser un equipo do exército. Pouco despois xogou e gañou as tres primeiras edicións da IIHF European Champions Cup en 1966, 1967 e 1968. En 1976 o nome volveu mudar a Zetor Brno. En 1980, o equipo descendeu á segunda categoría do hóckey sobre xeo checoslovaco, volvendo ao ano seguinte á máxima categoría para descende novamente en 1988.
Pouco despois da Revolución de Veludo (1994), o club cambiou novamente o seu nome para pasar a chamarse HC Kometa Brno e participar na tempada inaugural da máxima categoría do hóckey sobre xeo na República Checa, a Extraliga Checa. "Kometa" foi o alcume do equipo dende os anos '50 was the team's nickname since 1950's (oposto ao oficial "Estrela Vermella") e o equipo foi asociado a este nome dende os seuis inicios.
En 1996 o equipo descendeu da Extraliga á segunda categoría, a 1. národní hokejová liga. Durante moitos anos, o club loitou contra a complicada situación económica, os múltiples trocos de propietario e contra un novo descenso que tivo lugar na tempada 2001-02. O club estivo a piques de desaparecer, xogando na división Leste da terceira categoría do hóckey sobre xeo checo, a 2. národní hokejová liga. Non obstante, na tempada 2003-04, o equipo regresou 1. liga, comezando o seu pequeno renacer. En 2004, o Kometa xogou os seus primeiros play-offs dende 1997, chegando ás semifinais no 2008 e á final no 2009. O 1 de abril de 2009, o Komenta mercou a praza para competir na Extraliga, praza que ocupara outro equipo da Rexión de Moravia Meridional, o HC Znojemští Orli e que agora serve como canteira do equipo de Brno.[3]
En marzo de 2012, o equipo conseguiu bater ao HC Sparta Praha, o campión da liga regular ese ano, clasificándose deste xeito para as semifinais do play-off.[4] Nas semifinais, conseguiron bater ao HC Plzeň 1929, o segundo clasificado da liga regular. Finalmente, o Kometa Brno perdeu a súa primeira final na Extraliga fronte ao HC Pardubice en seis partidos.[5]
Denominacións
[editar | editar a fonte]- 1953 – Rudá hvězda Brno
- 1962 – TJ ZKL Brno
- 1976 – TJ Zetor Brno
- 1990 – HC Zetor Brno
- 1993 – HC Královopolská Brno
- 1994 – HC Kometa Brno
- 1995 – HC Kometa Brno BVV
- 1997 – HC Kometa Brno
- 1999 - Kometa HC Brno
Palmarés
[editar | editar a fonte]- 11 Ligas Checoslovacas: 1955, 1956, 1957, 1958, 1960, 1961, 1962, 1963, 1964, 1965 e 1966
- 3 IIHF European Champions Cup: 1966, 1967 e 1968
- 1 Spengler Cup: 1955
Xogadores
[editar | editar a fonte]Xogadores destacados
[editar | editar a fonte]Números retirados
[editar | editar a fonte]Dende a súa creación, o club de Brno ten retirado o número dalgúns antigos xogadores:[6]
- 1 Vladimír Nadrchal
- 5 Slavomír Bartoň
- 6 Bronislav Danda
- 9 František Vaněk
- 12 Vlastimil Bubník
- 15 Josef Černý
- 16 Jaroslav Jiřík
Adestradores
[editar | editar a fonte]O primeiro adestrador do equipo foi Václav Řezáč, e os adestradores que levaron ao equipo á consecución dos diferentes títulos que posúe foron: Slavomír Bartoň, Vladimír Bouzek e Eduard Farda. Bouzek conduciu ao equipo aos títulos que conseguir en 1956, 1957, así como aos conseguidos entre 1961 e 1966.[7]
Notas
[editar | editar a fonte]- ↑ http://www.hc-kometa.cz/historie.asp
- ↑ Orixinalmente Závody kuličkových ložisek; esta fábrica; agora ZKL Group Brno Arquivado 21 de abril de 2009 en Wayback Machine.; converteuse no principal patrocinador do club
- ↑ "Copia arquivada". Arquivado dende o orixinal o 05 de abril de 2009. Consultado o 12 de xuño de 2013.
- ↑ iDnes, ed. (20 de marzo de 2012). "Kometa je v euforii a už mluví o titulu. Máme na to, tvrdí hráči". Mladá fronta DNES (en checo).
- ↑ Sport.cz, ed. (10 de abril de 2012). "Pardubice - Brno 5:6. Stav série 1:1. Drama pro kardiaky. Kometa přetlačila Pardubice, padlo 11 gólů!" (en checo).
- ↑ Lista dos dorsais retirados do club en http://www.hckometa.wz.cz/ Arquivado 12 de agosto de 2007 en Wayback Machine. (en checo)
- ↑ Lista dos adestradores do equipo en http://www.hckometa.wz.cz/ Arquivado 12 de agosto de 2007 en Wayback Machine. (en checo)
Véxase tamén
[editar | editar a fonte] |
Wikimedia Commons ten máis contidos multimedia na categoría: HC Kometa Brno |
 |
A Galipedia ten un portal sobre: Hóckey sobre xeo |
