Gran Premio de Italia de 1987

Gran Premio de Italia de 1987

Nome oficial	58º Gran Premio d'Italia
Tipo	Gran Premio de Italia
Deporte	automobilismo
Parte de	Campionato Mundial de Fórmula 1 de 1987
Distancia do evento	50
Localización  e  Datas
Localización	Circuíto de Monza (Monza) 45°37′14″N 9°17′22″L
Lonxitude	5,793 km
País	Italia
Data	6 de setembro de 1987
Competición
Primeiro posto	Nelson Piquet
Pole position	Nelson Piquet
Volta máis rápida	Ayrton Senna

O Gran Premio de Italia de 1987 foi unha carreira de Fórmula 1 celebrada no circuíto de Monza o 6 de setembro de 1987. A carreira, que se disputou sobre 50 voltas, foi a décimo primeira proba da tempada de 1987. A carreira foi o 57º Gran Premio de Italia e o 52º, que se celebrou en Monza.

Resumo

A carreira foi gañada polo piloto brasileiro Nelson Piquet pilotando un Williams FW11B. Esta foi a terceira e última vitoria de Piquet no ano mentres corría cara ao seu terceiro campionato do mundo. Tamén foi a sexta vitoria consecutiva para o equipo Williams, unha racha de vitorias que comezara no Gran Premio de Francia a principios de xullo. Piquet, competiu por primeira vez cun sistema de suspensión activa no seu FW11B, gañou a carreira por 1,8 segundos, logo de arrebatarlle o liderado a Ayrton Senna no Lotus 99T a oito voltas do final.

A primeira fila da grella foi para Williams: Piquet logrou a pole diante do seu compañeiro Mansell e Gerhard Berger, Ayrton Senna (Lotus) tivo que conformarse co cuarto lugar por diante de Boutsen, Prost, Alboreto e Fabi. Ao principio, Mansell saíu ben, pero pouco despois non puido cambiar de marcha, deixando o liderado a Piquet. Máis atrás, Senna caeu á sexta posición na primeira curva, detrás de Berger, Boutsen e Prost. Na segunda volta Berger e Mansell comezaron un duelo que terminou nun lixeiro contacto, Boutsen colocouse segundo e o inglés cuarto. A orde mantívose sen cambios ata a volta 17, cando Mansell pasou ao piloto de Ferrari e logo a Boutsen, recuperando a segunda posición.

Os cambios de pneumáticos a metade de carreira cambiaron as posicións, Senna non os cambiou e quedou na cabeza. Isto deixou presaxiar unha carreira como Mónaco ou Detroit, co dominio do brasileiro, debido a que todos os coches na carreira optaran por unha estratexia cunha parada en boxes. Os dous Williams eran segundo e terceiro, respectivamente, con Nelson Piquet e Nigel Mansell, por diante de Gerhard Berger e Thierry Boutsen. Senna dominou ata a volta número 43 cando saíuse da pista na curva Parabólica. Cando logrou recuperar a pista, Piquet estaba en primeira posición. Senna tratou de recuperar a posición, pero pronto sufriu unha caída no rendemento dos pneumáticos, e, finalmente, o seu compatriota de Williams gañaba facilmente por 1´8 segundos. O chanzo máis baixo do podio foi ocupado por Nigel Mansell, que chegou por diante do piloto de Ferrari Gerhard Berger, Thierry Boutsen e Stefan Johansson.

O Tyrrell DG016 do piloto francés Philippe Streiff foi o primeiro coche de aspiración natural para o trofeo Jim Clark terminou 12º, tres voltas detrás de Piquet.

A vitoria fortaleceu a Piquet no liderado do campionato 14 puntos sobre Senna e 20 sobre Mansell.

Durante a cualificación, o Williams-Honda de Piquet rexistrou a velocidade máis alta da tempada, cando logrou 352,135 km/h, uns 8 km/h máis rápido que Mansell no auto de suspensión convencional. Esta foi a velocidade máis rápida xamais acadada por un coche turbo alimentado de Fórmula Un lograda na primeira era do turbo (1977-1988) neste deporte.

Debido á participación de AGS e Coloni, por primeira vez na tempada 1987, dous pilotos non se cualificaron para a carreira, neste caso foron Nicola Larini no Coloni e Pascal Fabre no AGS.

Clasificación

Pos	Nº	Piloto	Construtor	Voltas	Tempo/Retirada	Grella	Puntos
1	6	Nelson Piquet	Williams-Honda	50	1:14:47.707	1	9
2	12	Ayrton Senna	Lotus-Honda	50	+ 1.806	4	6
3	5	Nigel Mansell	Williams-Honda	50	+ 49.036	2	4
4	28	Gerhard Berger	Ferrari	50	+ 57.979	3	3
5	20	Thierry Boutsen	Benetton-Ford	50	+ 1:21.319	6	2
6	2	Stefan Johansson	McLaren-TAG	50	+ 1:28.787	11	1
7	19	Teo Fabi	Benetton-Ford	49	+ 1 volta	7
8	26	Piercarlo Ghinzani	Ligier-Megatron	48	+ 2 voltas	19
9	10	Christian Danner	Zakspeed	48	+ 2 voltas	16
10	25	René Arnoux	Ligier-Megatron	48	+ 2 voltas	15
11	11	Satoru Nakajima	Lotus-Honda	47	+ 3 voltas	14
12 (1)	4	Philippe Streiff	Tyrrell-Ford	47	+ 3 voltas	24
13 (2)	16	Ivan Capelli	March-Ford	47	+ 3 voltas	25
14 (3)	3	Jonathan Palmer	Tyrrell-Ford	47	+ 3 voltas	22
15	1	Alain Prost	McLaren-TAG	46	+ 4 voltas	5
16	24	Alessandro Nannini	Minardi-Motori Moderni	45	+ 5 voltas	18
Ret	9	Martin Brundle	Zakspeed	43	Caixa de cambios	17
Ret	30	Philippe Alliot	Lola-Ford	37	Trompo	23
Ret	23	Adrián Campos	Minardi-Motori Moderni	34	Motor	20
Ret	18	Eddie Cheever	Arrows-Megatron	27	Palier	13
Ret	22	Franco Forini	Osella-Alfa Romeo	27	Turbo	26
Ret	21	Alex Caffi	Osella-Alfa Romeo	16	Suspensión	21
Ret	27	Michele Alboreto	Ferrari	13	Turbo	8
Ret	17	Derek Warwick	Arrows-Megatron	9	Eléctrico	12
Ret	8	Andrea de Cesaris	Brabham-BMW	7	Suspensión	10
Ret	7	Riccardo Patrese	Brabham-BMW	5	Motor	9
NSC	32	Nicola Larini	Coloni-Ford
NSC	14	Pascal Fabre	AGS-Ford
Fonte:

Notas

• Os números entre parénteses refírense ás posicións dos participantes con motores normalmente aspirados que competían polo Jim Clark Trophy.

Posicións logo da carreira

Clasificación no campionato de piloto

Pos	Piloto	Puntos
1	Nelson Piquet	63
2	Ayrton Senna	49
3	Nigel Mansell	43
4	Alain Prost	31
5	Stefan Johansson	20

Clasificación do campionato de construtores

Pos	Construtor	Puntos
1	Williams-Honda	106
2	Lotus-Honda	55
3	McLaren-TAG	51
4	Ferrari	20
5	Benetton-Ford	17

Clasificación Trofeo Jim Clark

Pos	Piloto	Puntos
1	Jonathan Palmer	65
2	Philippe Streiff	54
3	Pascal Fabre	35
4	Philippe Alliot	25
5	Ivan Capelli	25

Clasificación Trofeo Colin Chapman

Pos	Construtor	Puntos
1	Tyrrell-Ford	119
2	AGS-Ford	35
3	Lola-Ford	25
4	March-Ford	25

• Nota: Só están incluídos os cinco primeiros postos en ambos os grupos de clasificación.

Referencias

Carreira anterior: Gran Premio de Austria de 1987	Campionato Mundial de Fórmula 1 da FIA Temporada 1987	Carreira seguinte: Gran Premio de Portugal de 1987
Carreira anterior: Gran Premio de Italia de 1986	Gran Premio de Italia	Carreira seguinte: Gran Premio de Italia de 1988