Gia Carangi
  | |
| Biografía | |
|---|---|
| Nacemento | 29 de xaneiro de 1960 Filadelfia, Estados Unidos de América |
| Morte | 18 de novembro de 1986 (26 anos) Filadelfia, Estados Unidos de América |
| Causa da morte | SIDA |
| Lugar de sepultura | California |
| Educación | Abraham Lincoln High School (en)  |
| Altura | 1,73 m |
| Cor dos ollos | Castaño |
| Cor do pelo | Cabelo castaño |
| Actividade | |
| Ocupación | supermodelo, modelo |
| Representante | Wilhelmina Models (en) |
   | |
Gia Carangi, nada en Filadelfia o 29 de xaneiro de 1960 e finada na mesma cidade o 18 de novembro de 1986, foi unha supermodelo estadounidense, considerada como o máximo expoñente da moda mundial da década de 1980. Gia foi unha das primeiras persoas famosas por falecer debido a problemas co VIH.
Traxectoria
[editar | editar a fonte]Tiña ascendencia italiana, irlandesa e galesa. A súa nai fora modelo de catálogos durante a súa mocidade, e era a filla máis nova do matrimonio, que vivía nun suburbio de Filadelfia. O ambiente familiar nunca foi moi óptimo, na súa casa as pelexas eran continuas, feito polo cal seus pais se divorciaron, quedando ela baixo a custodia do seu pai. Debido ó ambiente creado polo pai na casa, Gia comeza a experimentar durante a súa adolescencia con drogas brandas como a marihuana.
A súa nai animouna a comezar unha carreira no mundo da modelaxe, debido á súa gran beleza e extravertida personalidade, conseguíndolle unha cita cun fotógrafo que toma as súas primeiras instantáneas. Estas fotografías foron enviadas a Wilhelmina Cooper, a maior axencia de modelos do mundo, e con 17 anos Gia comezou a ser coñecida no mundo da moda, trasladándose a vivir a Nova York.
Gia mudou por completo o estereotipo de modelo da época, que era unha idealización dunha muller loira, alta e delgada, mentres que ela era morena e cun carácter moi forte. Foi a modelo máis transgresora da década, e axiña protagonizou portadas de revistas como Harpers Bazaar, Vogue, Elle ou Cosmopolitan, da man de fotógrafos como Scavullo ou Richard Avedon. Os seus xestos e poses foron revolucionarios e marcaron tendencia.
A súa orientación sexual é descoñecida; afirmouse que era lesbiana ou bisexual. Tivo múltiples affaires con homes e mulleres, feito moi escandaloso na época.
Acostumaba a frecuentar o famoso Studio 54 e o Mudd Club, lugares onde a cocaína, a marihuana e outro tipo de drogas andaban con total normalidade. Posiblemente o contaxio co VIH foi debido a compartir unha agulla para inxectarse heroína. Durante unha sesión fotográfica a modelo escapou cara a un suburbio de Nova York preguntando por alguén que lle puidese dar uns gramos de cocaína, e ó non atopar a ninguén decidiu probar heroína cun adicto que estaba alí.
Nesta época a súa carreira como modelo comeza a decaer, o seu comportamento é cada vez menos desexable. Debido ás marcas de agulla nos seus brazos os fotógrafos non a querían contratar. Comeza neste tempo un tratamento de desintoxicación a base de metadona.
O 18 de novembro de 1986 faleceu por mor dunha pneumonía que se complicou co VIH. Ninguén do mundo da moda acudiu ó funeral da mesma, tan só Francesco Scavullo mandou unha tarxeta con condolencias para a súa familia.
En 1998, filmouse unha película biográfica sobre a mesma, protagonizada por Angelina Jolie.
Véxase tamén
[editar | editar a fonte]Ligazóns externas
[editar | editar a fonte]- Gia Org (en inglés)
- Entrevista (en inglés).
