Gemini 3

Gemini 3
	Insignia da misión Gemini 3
Tipo	Tripulado
Organización	NASA
Destino actual	Reentrado na atmosfera.
Data de lanzamento	23 de marzo de 1965, 14:24:00.064 UTC
Foguete portador	Titan II GLV
Sitio de lanzamento	Centro Espacial de Cabo Cañaveral, rampla LC-19
Duración da misión	0,20 días (4 horas, 52 minutos e 31 segundos)
Obxectivo da misión	Experimentos e prácticas de manobras con nave tripulada.
Decaemento	23 de marzo de 1965
NSSDC ID	1965-024A
Masa	3236,9 kg
	v; c; e;

Gemini 3 foi a primeira misión tripulada do programa Gemini. A tripulación da Gemini 3 estaba formada por Virgil Grissom e John W. Young, sendo a tripulación de apoio Walter M. Schirra e Thomas P. Stafford.^[2]^[6]

Desenvolvemento da misión

Gemini 3 foi a primeira misión tripulada do programa Gemini. O seu obxectivo era demostrar a capacidade das cápsulas Gemini para levar unha tripulación a bordo, a avaliación das capacidades da cápsulas polos astronautas e probar a rede mundial de seguimento de misións tripuladas da NASA, o sistema de propulsión de control en órbita, o control da traxectoria de reentrada e o punto de amaraxe, os sistemas da nave e a recuperación da mesma. Como obxectivos secundarios atopábanse estudar os efectos das oscilacións a baixo nivel do foguete lanzador durante a engalaxe, a realización de tres experimentos e a realización de fotografías desde órbita.^[2]^[6]

Gemini 3 foi lanzada o 23 de marzo de 1965 ás 14:24:00.064 UTC (9:24 EST) desde o Complexo 19 de Cabo Cañaveral e insertado nunha órbita inicial de 161,2 km de perixeo e 224,2 km de apoxeo. Ao final da primeira órbita Grissom realizou a primeira manobra orbital, baixando a órbita a unha de 158 x 169 km. Durante a segunda órbita Grissom cambiou a inclinación orbital en 0,02 graos. Cara ao final da terceira órbita, a 4 horas, 21 minutos e 23 segundos do inicio da misión (ás 13:45:23 EST), o perixeo da órbita foi baixado ata só 84 km para permitir un decaemento natural da órbita en caso de fallo dos retrofoguetes encargados de facer reentrar a cápsula. Pouco despois, a 90 km de altura e ás 4 horas, 33 minutos e 23 segundos do inicio da misión (13:57:23 EST) a tripulación disparou manualmente os retrofoguetes, que funcionaron segundo o previsto. Durante a reentrada inxectáronse 7 kg de auga na envoltura de plasma que rodeaba á nave, mellorándose as comunicacións con terra, que habitualmente se cortan debido ao plasma.^[2]^[6]

Recuperación da Gemini 3 tras o amaraxe.

A amaraxe tivo lugar ás 14:16:31 EST (4 horas, 52 minutos e 31 segundos despois do inicio da misión) no océano Atlántico, a 22,43° N e 70,85° O. Debido a unha menor sustentación da cápsula do planeada durante a reentrada, o punto de amaraxe atopábase a 111 km do previsto. Durante a espera na cápsula os astronautas mareáronse debido ó movemento do mar, polo que quitáronse os traxes e saíron da cápsula sobre as 15:00 EST. Foron recollidos por un helicóptero e levados ó U.S.S. Intrepid, onde chegaron ás 15:28. A cápsula foi recuperada ás 17:03. Dous dos tres experimentos de a bordo foron levados a cabo con éxito. A cobertura fotográfica planeada desde órbita só foi levada a cabo parcialmente debido a unha lente non adecuada colocada na cámara de 16 mm. O resto de obxectivos foron cumpridos.^[2]^[6]

Notas

↑ ^1,0 ^1,1 ^1,2 N2YO (2011). Real Time Satellite Tracking, ed. "GEMINI 3" (en inglés). Consultado o 17 de febreiro de 2013.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (14 de maio de 2012). "Gemini 3" (en inglés). Consultado o 17 de febreiro de 2013.
↑ "Letter dated 4 June 1965 from the Deputy Permanent Representative of the United States of America addressed to the Secretary-General" (65-15084). 21 de xuño de 1965: 3. Arquivado dende o orixinal (PDF) o 09 de xuño de 2015. Consultado o 17 de febreiro de 2013.
↑ Claude Lafleur (2010). "Gemini 3 / Gemini III" (en inglés). Consultado o 17 de febreiro de 2013.
↑ Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 17 de febreiro de 2013.
↑ ^6,0 ^6,1 ^6,2 ^6,3 ^6,4 ^6,5 Mark Wade (2011). "Gemini 3" (en inglés). Consultado o 17 de febreiro de 2013.

Véxase tamén

Outros artigos

[n2yo-1] 1,0 ^1,1 ^1,2 N2YO (2011). Real Time Satellite Tracking, ed. "GEMINI 3" (en inglés). Consultado o 17 de febreiro de 2013.

[NSSDC-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (14 de maio de 2012). "Gemini 3" (en inglés). Consultado o 17 de febreiro de 2013.

[UNOOSA-3] "Letter dated 4 June 1965 from the Deputy Permanent Representative of the United States of America addressed to the Secretary-General" (65-15084). 21 de xuño de 1965: 3. Arquivado dende o orixinal (PDF) o 09 de xuño de 2015. Consultado o 17 de febreiro de 2013.

[claude-4] Claude Lafleur (2010). "Gemini 3 / Gemini III" (en inglés). Consultado o 17 de febreiro de 2013.

[gunter-5] Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 17 de febreiro de 2013.

[astronautix-6] 6,0 ^6,1 ^6,2 ^6,3 ^6,4 ^6,5 Mark Wade (2011). "Gemini 3" (en inglés). Consultado o 17 de febreiro de 2013.

[1]

[2]

[3]

[4]

[5]

[6]